سێبەری شمشێرەكان (سێكس و پەڕینی زۆر) بەشی پێنجه‌م

 چێنەر: سێبەری شمشێرەكان (سێكس و پەڕینی زۆر) بەشی پێنجه‌م

بونی پێغه‌مبه‌رایه‌تی:

بۆ ئه‌وه‌ی ده‌ركه‌وێ زیاتر په‌یامبه‌ر پێغه‌مبه‌ره‌ یان نا؟ ئه‌بێ زیاتر باسی كه‌سایه‌تی بكه‌ین، ئه‌گه‌ر پێغه‌مبه‌ر بوبێت و هه‌ڵبژارده‌ی ئه‌ڵلا بو بێت ده‌بێ بۆمان ده‌رکه‌وێ په‌یامبه‌ر ڕه‌وشتی پێغه‌مبه‌رانی هه‌بوه و دووربوه‌ له‌و ڕه‌وشتانه‌ی که‌ که‌سێكی ئاسای هه‌یبوه‌ یان هه‌یه‌تی. ئه‌بوایه‌ كه‌سێكی نمونه‌یی بایه‌ و له‌ژێر فه‌رمانی ئه‌ڵلا بوایه‌ نه‌وه‌ك كه‌سێكی هه‌وسباز بوایه‌ و ڕۆژانه‌ به‌ ئاره‌زوی خۆی هه‌ڵسوكه‌وتی کردبا، ئه‌گه‌ر هه‌ڵه‌شی کردبا ئه‌بوایه‌ هه‌ڵه‌كانی له‌ ئاستێكی زۆرنزم بوایه‌. ئه‌گه‌ر مێژوی په‌یامبه‌ر ده‌ریبخات به‌ پێچه‌وانه‌ی ئه‌و ڕه‌وشتانه‌ بوه‌ و كه‌سێك بوه‌ زۆر به‌دوای سێكس عه‌ودال بوه‌ و زۆر ڕامیاریزانێکی توندڕه‌ویش بوه‌ ئه‌وا هه‌رگیز پێغه‌مبه‌ر نه‌بووه‌ و نه‌ په‌یامی ئاسمانی و ئاینی هه‌بووه‌.

لێردا دوو ڕه‌وشتی په‌یامبه‌ر باس ئه‌كه‌ین كه ‌یه‌كیان له‌سه‌ر سێكسه‌ و ئه‌وی تر له‌سه‌ر توند و تیژییه‌ ڕامیاریه‌كه‌یه‌تی:

 

په‌یامبه‌ر و سێكس:

له‌ یه‌كێك له‌ دیارده‌كانی سێكسی په‌یامبه‌ر بریتی بو له‌ فره‌ ژنی و زۆرپه‌ڕینی سێكس له‌گه‌ل ژنان و هه‌مه‌چه‌شنی ژنان تاقی بكاته‌وه‌ وه‌ك كچۆله‌ی نۆ ساڵی، ده‌ستنیشانی کورپه‌له‌ی ناوبێشکه‌، بێوه‌ژنی پیرو گه‌نج، ژنی مردو، خزمی خۆی، کچی هاورێیانی، ژنه‌ شه‌هید، كه‌نیزك، ژنه‌ دیاری، ژنانی خۆبه‌خش، سه‌بایه‌، ژنی کوری خۆی.

په‌یامبه‌ری ئیسلام خۆی بێبه‌ری نه‌کرد له‌ سێکس به‌لکو له‌ مرۆڤی ئاسایی زیاتر سێکسی کرد. له‌ ژیانی په‌یامبه‌ر ئه‌گێرنه‌وه‌ موسلمانێک هاتبو بۆ لای وتبوی من سێکس و گۆشتم له‌ خۆم حه‌رام کردوه‌ ئه‌ویش ئه‌ڵێت ئه‌وه‌ی له‌سه‌ر سونه‌تی من بروات ئه‌بێ سێکس بکات و گۆشت بخوات. به‌ڵام ئه‌وه‌ی په‌یامبه‌ر له‌ ژیانی سێکسیدا کردی زۆر زه‌حمه‌ته‌ مرۆڤی موسلمان بتوانێ له‌سه‌ر ئه‌م سونه‌ته‌ بڕوات و ئه‌و هه‌مه‌چه‌شنه‌ سێکسیه‌ بکات. لێره‌دا زۆر به‌ كورتی باسی هه‌ندێک له‌م چه‌شنانه‌ ئه‌كه‌ین:

 

هاوسه‌ركردن له‌ گه‌ل عائیشه(عائشة)‌:

سه‌باره‌ت به‌ هێنانی عائیشه‌، مێژوناسانی ئیسلام ئه‌لێن: موحه‌مه‌د عائیشه‌ی ده‌ستنیشان كرد له‌ ته‌مه‌نی شه‌ش ساڵی و پاش كۆچی كردنی بۆ مه‌دینه‌ عائیشه‌ی گوازته‌وه‌ كه‌ ئه‌و كاته‌ عائیشه‌ ته‌مه‌نی ته‌نها نۆ ساڵ بو.

عائیشه‌ له‌ زاری خۆی گوازتنه‌وه‌كه‌ی خۆی ئه‌گێرێته‌وه‌ كه‌ به‌م شێوه‌یه‌ بووه‌: له‌ كاتێكدا له‌سه‌ر جۆلانه‌یه‌كدا یاری كردوه‌ له‌گه‌ڵ هاورێكانی، دایكی- ام رۆمان- بانگی كردوه‌ و ده‌موچاوی ته‌ڕكردووه‌، ئینجا بردویه‌تی ماڵێك‌ هه‌ندێك ژنانی ئه‌نساری لێ بوه‌ و به‌خێرهاتنیان كردوه‌، پاشان ماڵه‌كه‌یان بۆ عائیشه‌ و په‌یامبه‌ر چۆڵ كردوه‌ و ئیتر هه‌ر ئه‌م ڕۆژه‌ چۆته‌ شه‌وی په‌رده‌وه‌.

ئه‌و هاوسه‌ریه‌ نیشانه‌یه‌كی سێكسی ده‌رئه‌خات په‌یامبه‌ر له‌ ته‌مه‌نی 54 ساڵیدا له‌گه‌ڵ منداڵێكی ته‌مه‌ن نۆ ساڵدا جوت بوه‌. له‌مه‌ زیاتر هیچ لێكدانه‌وه‌یه‌كی تری نییه‌ ئه‌گه‌ر عائیشه‌ بالغ بوبێ یان نه‌بوبێ. به‌هه‌رحاڵ بابزانین موسلمانان پاساوی چی ئه‌هێنه‌وه‌؟

موسلمانه‌كان به‌ڵگه‌ی ئه‌وه‌ ئه‌هێنه‌وه‌ ئه‌لێن منداڵ له‌ دوڕگه‌ی عه‌ره‌بی زۆر زوو بالغ ئه‌بێ (پێئه‌گا)، ئه‌گه‌ر ئه‌مه‌ دروستی هه‌بێ ئه‌بێ ئێستاش منداڵ له‌ دورگه‌ی عه‌ره‌بی له‌ 9 ساڵیه‌وه‌ بالغ ببێت. هه‌تا ئێستا به‌ڵگه‌یه‌كه‌ی زانستی نییه‌ مرۆڤ له‌و ته‌مه‌نه‌ بالغ بێت یاخود مناڵ له‌و ته‌مه‌نه‌ بالغ بوه‌. ئه‌گه‌ر ئه‌م هاوكێشه‌یه‌ ڕاست بێت كه‌واته‌ خه‌دیجه‌ له‌ 40 ساڵی زۆر پیر تربوه‌ له‌وه‌ی كه‌ ئێستا ژن له‌ دورگه‌ی عه‌ره‌بی له‌ 40 ساڵی بالغ ئه‌بێت. هه‌روه‌ها موحه‌مه‌دیش زۆر پیر تربوه‌ له‌ ته‌مه‌نی خۆی. ئه‌گه‌ر خدیجه‌ هێنده‌ پیر بێت چۆن موحه‌مه‌د هێنای ئه‌گه‌ر به‌رژه‌وه‌ندی نه‌بووبێت!! بێگومان له‌سه‌ر بنچنه‌ی به‌رژه‌وه‌ندی بوه‌ چونكه‌ موحه‌مه‌د هه‌ژار بوه‌ و خه‌دیجه‌ش دوڵه‌مه‌ند بوه‌. ئه‌مه‌ش تاكه‌ ڕون كردنه‌وه‌یه‌كه‌ بۆ ئه‌م فره‌ژن هێنانه‌، تاوه‌كو ئێستا هیچ مێژوناسێكی ئیسلامی به‌لگه‌یه‌ك یان نوسراوێكیان نییه‌ كه‌ بڵێت عائیشه‌ به‌هه‌ره‌یه‌كی خودای هه‌بوه‌ تاوه‌كو بشێت بۆ پێغه‌مبه‌رێك، عائیشه‌ به‌ جه‌سته‌ زۆر منداڵ بووه‌ هه‌روه‌ک له‌ به‌ڵگه‌یه‌کی مێژوی باس ئه‌کرێ،‌ كاتێك په‌یامبه‌ر بۆ غه‌زو ئه‌چێت عائیشه‌ له‌گه‌ڵ خویدا ئه‌بات، له‌ ڕێگادا‌ لائه‌ده‌ن عائیشه‌ ئه‌چێت ده‌ست به‌ ئاوبگه‌یه‌نێ، له‌و كاته‌ كه‌ژاوه‌كه‌ی هه‌ڵ ئه‌گرن نازانن عائیشه‌ی له‌ ناوه‌ یان نا. كه‌وابو عائیشه‌ قورسایی له‌شی نه‌بوه‌ تاوه‌كو هه‌ستی پێ بكه‌ن. هه‌ر له‌سه‌ر ئه‌م بابه‌ته‌ش فیتنه‌یه‌كی زۆر ڕوی دا كه‌ له‌به‌شه‌ی داهاتو باسی ئه‌كه‌ین. هه‌روه‌ها ئه‌لێن كاتێك عائیشه‌ له‌گه‌ل هاورێ منداڵه‌كانی یاری ئه‌كات،‌ موحه‌مه‌د دێت هه‌مویان ده‌رۆن پاشان په‌یامبه‌ر بانگی منداڵه‌كان ئه‌كات تاوه‌کو‌ یاری له‌گه‌ڵ عائیشه‌ بكه‌ن.

هاوسه‌ركردنه‌كه‌ی عائیشه‌ په‌یوه‌ندیه‌كی ڕاسته‌وخۆی لۆجیكانه‌ دروست ئه‌كات به‌ هاوسه‌ركردنه‌كه‌ی خه‌دیجه ‌و موحه‌مه‌د چونكه‌ جیاوازی ته‌مه‌نی عائیشه‌ و خه‌دیجه‌ دوو دژه‌ ئاره‌سته‌ی یه‌كن به‌ هۆی جیاوازی ته‌مه‌نیان. هه‌ربۆیه‌ بابه‌تی عائیشه‌ زۆرجار تێكه‌ڵ ئه‌بێته‌وه‌ به‌ خه‌دیجه‌ هه‌ر بۆیه‌ ئێستا ئه‌بێ هه‌ندێك بدوێنه‌وه‌ له‌سه‌ر خه‌دیجه‌ ئه‌ویش توێژینه‌وه‌یه‌كی زانستیانه‌یه‌ كه‌ ئه‌ڵێین:

زانست ئه‌لێت به‌ گشتی ژن له‌ ژیانیدا 400 هێلكه‌ دروست ئه‌كات واته‌ بۆماوه‌ی 33 ساڵ و دوو مانگ له‌توانایدا هه‌یه‌ كه‌ هێلكه‌ درووست بكات. ئه‌گه‌ر منداڵ زوو بالغ بێت واته‌ له‌ نۆ سالی ئه‌وه‌مان بۆ ده‌رده‌که‌وێ ژنی ئه‌وكاته له‌ ته‌مه‌نی 42 ساڵیدا هێلكه‌ی لێبراوه‌. كه‌وابو چۆن خدیجه‌ حه‌فت مندالی ئه‌بێت له‌ موحه‌مه‌د كه‌ خۆی له‌ته‌مه‌نی چڵه‌كان مێردی پێكردبێ!

به‌ڵام ئه‌مه‌ شتێكی نالۆجیكه‌ كه‌ كچ له‌ پێش ته‌مه‌نی عائیشه‌ دره‌نگ بالغ بوبێت، به‌ڵام پاش 40 ساڵ واته‌ له‌ پاش له‌ دایك بونی خه‌دیجه‌ كچ بكه‌وێته‌ قۆناغێك كه‌ زوو بالغ ببێت( واته‌ عائیشه‌ كه‌ له‌و سه‌رده‌مه‌ له‌ دایك بو)،‌ پاشان كچ دره‌نگ بالغ ببێته‌وه‌( واته‌ به‌ چه‌ند سالێك كه‌ عائیشه‌ له‌ دایك بو كچان دیسان دره‌نگ بالغ ببێت). هیچ یاسایه‌كی سروشتی نییه‌ له‌ماوه‌ی چڵ ساڵدا بارودۆخی دووره‌گه‌ی عه‌ره‌بی به‌ سێ قۆناغ بگۆردرێت به‌ شێوه‌یه‌ك منداڵ دڕه‌نگ بالغ ببێت(له‌سه‌رده‌می خه‌دیجه‌)، پاشان كچ زوو بالغ ببێت(له‌سه‌رده‌می عائیشه‌)، دیسان كچ دره‌نگ بالغ ببێته‌وه‌ (له‌سه‌رده‌می پاش عائیشه‌.)

با ئێمه‌ بابه‌تێکی تر به‌و بابه‌ته‌ی خۆمانه‌وه‌ به‌بستینه‌وه‌: موسلمانان هه‌ر جه‌خت ئه‌كه‌نه‌وه‌ له‌سه‌ر چه‌ند وته‌یه‌كی په‌یامبه‌ر که‌ ژن ڕێزی لێگیراوه‌ باشترین مافی دراوه‌تێ، به‌ تایبه‌تی په‌یامبه‌ر له‌ هه‌مو كه‌س زیاتر ڕێزی له‌ ژن و ژنه‌كانی گرتوه‌، هه‌ربۆیه‌ موحه‌مه‌د قوطب له‌ كتێبه‌كه‌یه‌دا ( شبهات حول الاسلام) له‌به‌شی- ئیسلام و ژن- باس له‌ مافی ژن ئه‌كات كه‌ چۆن ڕێزی لێگیراوه‌ هه‌روه‌ها وته‌یه‌كی په‌یامبه‌ر ئه‌گێرێته‌وه‌ له‌ سه‌ر زاری (الشیخان-واته‌ مسلم و بخاری-) ئه‌لێت(هاوسه‌ری مه‌كه‌ن له‌گه‌ڵ کچ تا ڕوخسه‌تی لێوه‌رنه‌گرن، له‌گه‌ڵ بێوه‌ژن تا ڕاوێژی نه‌که‌ن- واته‌ هه‌تا نه‌زانن دووگیانیه‌ یان نا-، گوتیان ئه‌ی په‌یامبه‌ر چۆن ڕوخسه‌ته‌که‌ی بزانین، وتی: بێده‌نگیه‌كه‌ی ئه‌وا ڕوخسه‌ته‌كه‌یه‌تی. ‏لا تنكح البكر حتى تستأذن ولا الثيب حتى تستأمر فقيل يا رسول الله كيف إذنها قال إذا سكتت) له‌ درێژه‌ی نوسینه‌كه‌ی ئه‌لێت ژنهێنانه‌كه‌ نادروست ئه‌بێ ئه‌گه‌ر ناقایلبونی خۆی ده‌ڕببرێت.

لێره‌دا دوو پرسیار دروست ئه‌بێ:

یه‌ك: ئایا په‌یامبه‌ر پرسیاری به‌ كچێكی نۆ ساڵی كرد بۆ ئه‌وه‌ی بزانێت ڕازیه‌ یان نا؟ ئه‌گه‌ر پرسیاری كردبێ و عائیشه‌ش ڕازی بوبێ، ئه‌بێ وه‌ڵامه‌كه‌ی دروست بوبێ؟! ئایا عائیشه‌ مێشكێكی ته‌واوی هه‌بوه‌ له‌و كاته‌دا؟

دوو: په‌یامبه‌ر ئه‌یزانی كاتێك ئه‌و پیر ئه‌بێ و توانای سێكسی نامینێت،‌ عائیشه‌ش له‌و په‌ری گه‌نجیه‌تی ده‌بێ، مافی ئه‌وه‌یدا به‌ عائیشه‌ وازی لێ بێنێت. كه‌ خۆشی باش ئه‌یزانی كه‌ له‌ كتێبی پیرۆزیدا ئه‌لێ كه‌س بۆی نییه‌ ژنی پێغه‌مبه‌ر ماره‌ بكاته‌وه‌(ئه‌ی گه‌لی خاوه‌ن باوه‌ڕان! له‌ ماڵه‌كانی پێغه‌مبه‌ر مه‌چنه‌ ژورێ، مه‌گه‌ر بۆ جه‌مێكی خواردن بانكران، ئه‌گه‌ر چووشن، نابێ وه‌ختێكی وا بچن كه‌ ئه‌وجه‌مه‌ خۆراكه‌ ئاماده‌ نه‌بوه‌. هه‌ر كه‌ ژه‌مه‌نانه‌كه‌و خوارد. بڵاوه‌كه‌ن و خۆ به‌قسه‌وه‌ خه‌ریك مه‌كه‌ن. ئه‌م كاره‌تان پێغه‌مبه‌ری ئازار ده‌دا و له‌به‌ر ئێوه‌ شه‌رم ده‌كا ده‌نگووبدا. ئه‌ڵلا له‌ قسه‌ی ڕاست گوتن شه‌رم ناكا. هه‌ر كاتێكیش داوای شتێك له‌ ژنه‌كانی ناوماڵ ده‌كه‌ن، له‌ پشت په‌رده‌وه‌ بخوازن، ئه‌م كاره‌ له‌ دڵپاكی ئێوه‌ و ئه‌وانیش نزیكتره‌، نابێ پێغه‌مبه‌ری ئه‌ڵلا له‌ ئێوه‌ ئازارببینێ، ناشبێ دوای ئه‌و – تاهه‌تایه‌- ژنه‌كانی ماره‌بكه‌ن. كه‌ ئه‌م كاره‌ له‌لای ئه‌ڵلادا گوناهێكی زۆر گه‌وره‌یه. يَا أَيُّهَا الَّذِينَ آمَنُوا لَا تَدْخُلُوا بُيُوتَ النَّبِيِّ إِلَّا أَنْ يُؤْذَنَ لَكُمْ إِلَى طَعَامٍ غَيْرَ نَاظِرِينَ إِنَاهُ وَلَكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانْتَشِرُوا وَلَا مُسْتَأْنِسِينَ لِحَدِيثٍ إِنَّ ذَلِكُمْ كَانَ يُؤْذِي النَّبِيَّ فَيَسْتَحْيِي مِنْكُمْ وَاللَّهُ لَا يَسْتَحْيِي مِنَ الْحَقِّ وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ وَمَا كَانَ لَكُمْ أَنْ تُؤْذُوا رَسُولَ اللَّهِ وَلَا أَنْ تَنْكِحُوا أَزْوَاجَهُ مِنْ بَعْدِهِ أَبَدًا إِنَّ ذَلِكُمْ كَانَ عِنْدَ اللَّهِ عَظِيمًا. الاحزاب 53) له‌راستی ئه‌م ئایه‌تش به‌ پێی هه‌ندێ سه‌رچاوه‌ ته‌نها بۆ ئه‌وه‌ هاتوه‌ كه‌ یه‌كێك له‌ گه‌وره‌ پیاوانی قوریش وتی ئه‌گه‌ر موحه‌مه‌د بمرێت ئه‌وا ئێمه‌ عائیشه‌ ماره‌ ئه‌كه‌ینه‌وه‌ هه‌ر بۆیه‌ ئه‌م ئایه‌ته‌ دروست بو.

به‌ڵێ كاتێك په‌یامبه‌ر كۆچی دوایی كرد عائیشه‌ ته‌نها ته‌مه‌نی ١٨ ساڵ بو،‌ له‌ژیانی سێكس بێبه‌ری بو، ئه‌گه‌رچی له‌وانه‌شه‌ له‌كاتی هاوسه‌ریش ئه‌وه‌نده‌ خۆش نه‌ژیابێت چونكه‌ كاتێك هاوسه‌رگیریه‌که‌ دروست بوو په‌یامبه‌ر ته‌مه‌نی ٥٤ سال بو. هه‌ر بۆیه‌ له‌ كاتی سه‌رمه‌رگیدا، وتی له‌گه‌ڵ خوشك و براكانم بمنێژن له‌ بقیع و له‌لای په‌یامبه‌ر نه‌نێژرا.

موحه‌مه‌د ئاره‌زوی كچێكی منداڵی ئه‌كرد، هه‌ربۆیه‌ عائیشه‌ له‌سه‌ر زاری خۆی ئه‌گێرێته‌وه‌ و ئه‌لێت من له‌ په‌یامبه‌رم پرسیوه‌، ئه‌گه‌ر تۆ له‌ دۆلێكدا دابه‌زی و دوو داری لێ بێت یه‌كێان لێی خورابێت و ئه‌وی تر لێی نه‌خورابێ، تۆ حوشتره‌كه‌ت له‌لای كامیان ده‌یله‌ڕه‌وێنی. ئه‌ویش وتویه‌تی ئه‌وه‌ی لێی نه‌خوراوه‌. قلت: يا رسول الله، أرأيت لو نزلت واديا، و فيه شجرة قد أكل منها، و وجدت شجرا لم يؤكل منها، في أيها كنت ترتـِع بعيرك؟ قال: في التي لم یرتع منها ).

له‌و فه‌رموده‌دا ئه‌ومان بۆ ده‌رده‌که‌وێت "خدیجة"‌ وه‌ک داره‌ به‌رهه‌م خوراوه‌که‌یه‌، "عائیشة"‌ش داره به‌رهه‌م ‌نه‌خوراوه‌که‌یه‌. به‌ڵام بۆچ موحه‌مه‌د له‌گه‌ڵ داری به‌رهه‌م خوراوه‌که‌دا هاوسه‌ری کرد له‌ کاتێک که‌ خۆی حه‌زی له‌ داری کچێنی بێت. به‌ڵام هه‌مووی به‌رژه‌وه‌ندی موحه‌مه‌دمان بۆ ده‌رده‌که‌وێت یه‌که‌میان له‌گه‌ڵ "خه‌دیجة" تاوه‌کو سه‌روه‌ت و سامانی بکه‌وێته‌ ده‌ست، له‌گه‌ڵ "عائشة"ش بۆ ئه‌وه‌ی ئه‌بوبکر زیاتر به‌خۆی ببه‌ستێته‌وه‌.

ئه‌گه‌ر سه‌یری عمری كوری خطاب بكه‌ین كه‌ له‌ مێژوه‌كه‌ی خۆی نوسراوه‌ته‌وه‌ ئه‌لێت كاتێك شه‌و به‌ ناو شار هاتوچۆ ئه‌كات گوێی له‌ ژنێک ئه‌بێت به‌ ته‌نیایه‌ و شیعرێك ئه‌لێت كه‌ زیاتر له‌سه‌ر ئه‌وه‌یه‌ ئاره‌زوی سێكس ئه‌كات، عمر ئه‌چێته‌وه‌ ماڵه‌وه‌ به‌ حه‌فصه‌ی كچی ئه‌لێت كچم، ژن چه‌ند ئه‌توانێت به‌ بێ مێرد به‌رگه‌ بگرێت ئه‌ویش ئه‌لێت شه‌ش مانگ یان چوار مانگ. هه‌ر بۆیه‌ عمر بڕیار ئه‌دات سه‌ربازه‌كانی خۆیان له‌ چوار مانگ زیاتر نه‌هێلێته‌وه‌‌ كه‌ دووربن له‌ ژنه‌كانیان.

ئه‌مه‌ش لێره‌دا ڕاده‌ی سێكسی ژنی ئه‌و كاته‌ به‌ده‌رئه‌خات كه‌ چۆن ئه‌وانیش مافی ژیان و پراكتیزی سێكسیان ویستوه‌ هه‌روه‌ك پیاو، به‌ڵام چۆن ئه‌و هه‌مو ژنانه‌ به‌ بێ په‌یامبه‌ر مانه‌وه‌ و بێ ئه‌وه‌ی مێرد بكه‌ن له‌ پاش خۆی.

لێره‌دا ته‌نها خۆپه‌رستن له‌ په‌یامبه‌ر ئه‌بینرێت و بیری ته‌نها له‌ خۆی ئه‌كرده‌وه‌ و بێ ئه‌وه‌ی بیر له‌ مافی كه‌سی تر بكاته‌وه‌ بێ ئه‌وه‌ی بیر له‌وه‌ بكاته‌وه‌ ژنانی پاش خۆی ژیانیان چی به‌سه‌ر دێت. ئه‌مه‌ هیچ نیشانه‌ی پێغه‌بمه‌رایه‌تی پێوه‌ دیار نییه!‌ دانیشتوانی مه‌ککه‌ و مه‌دینه‌ هه‌زار و چوارسه‌د ساڵ به‌ر له‌ ئێستا زۆر كه‌م بوه‌، بۆ پیاوێك كه‌ بتوانێت زیاتر له 60 ژن بێنێت و ئه‌م ژنانه‌ش پاش خۆیان به‌ بێ مێرد مانه‌وه‌!

له‌وانه‌یه‌ موسلمان هێشتا که‌له‌ڕه‌ق بێت و بڵێت عائیشه‌ بالغ بوه‌ و هاوسه‌رگیریه‌که‌ دروست بوه‌، بۆیه‌ ئێمه‌ش ئایه‌تێک و نمونه‌یه‌ک باس ئه‌که‌ین و قسه‌یان پێ ئه‌بڕین و کۆتای پێ ئه‌هێنین:

یه‌ک: ئایه‌تی 4ی سوره‌تی الطلاق ده‌ڵێ (ئه‌و ژنانه‌ی له‌ قۆناغی بێ نوێژی ده‌رچون و ئه‌وانه‌ی نه‌گه‌یشتونه‌ته‌ بێ نوێژی ئه‌شێ سێ مانگ چاوه‌ نۆڕبن. ئه‌وانه‌ش که‌ سکیان هه‌یه‌، ماوه‌ی چاوه‌ نۆڕیه‌که‌یان دانانی سکه‌که‌یانه‌. هه‌رکێش له‌ ئه‌ڵلادا بترسێ، ئه‌ڵلا کاری هاسان ئه‌کات. وَاللَّائِي يَئِسْنَ مِنَ الْمَحِيضِ مِنْ نِسَائِكُمْ إِنِ ارْتَبْتُمْ فَعِدَّتُهُنَّ ثَلَاثَةُ أَشْهُرٍ وَاللَّائِي لَمْ يَحِضْنَ وَأُولَاتُ الْأَحْمَالِ أَجَلُهُنَّ أَنْ يَضَعْنَ حَمْلَهُنَّ وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا)

ئه‌مه‌ش ئه‌وه‌ ده‌گه‌یه‌نێ ئه‌و ژنانه‌ی نه‌کوتونه‌ته‌ قۆناغی بێنوێژی واته‌ منداڵن. که‌وابوو به‌ شه‌رعی ئه‌ڵلا منداڵ شیاوه‌ بچێته‌ ژیانی هاوسه‌ری.

دوو: ئه‌گێرنه‌وه‌ له‌ په‌یامبه‌ر أم حبیب کچی عباس ئه‌بینێت که‌ ئه‌وکاته‌ کۆرپه‌یه‌ک ئه‌بێت ئه‌ڵێت" ئه‌گه‌ر کچی عباس پێبگات و منیش له‌سه‌ر ژیان بم ئه‌یخۆازم. ان رسول الله صلى الله عليه و سلم رأى أم حبيب بنت عباس وهي فوق الفطيم قالت فقال لئن بلغت بنية العباس هذه وأنا حي لأتزوجنها"

له‌وانه‌یه‌ برای موسلمان هێشتا که‌مبڕوا بێت و بڵێت خۆ ئه‌م هاوسه‌رگیریه‌ نه‌ ڕویدا و نه‌ نیشانه‌یه‌کی سێکسی ده‌رخست و نه‌ سێکسی له‌گه‌ڵ کرد. به‌ڵکو ته‌نها خۆشه‌ویستی بۆ منداڵه‌که‌ ده‌ربریوه‌ هه‌روه‌ک منداله‌کانی خۆی چونکه‌ ئه‌گێرنه‌وه‌ موحه‌مه‌د منداڵی زۆر خۆشویستوه‌ به‌ تایبه‌تی منداله‌کانی خۆی، بۆ نمونه‌ موحه‌مه‌د فاطمه‌ی کچی له‌ باوه‌ش ئه‌کرد و سنگی به‌ نێوان مه‌مکۆلانی ئه‌کرد و ماچی ئه‌کرد و زمانی منداله‌کانی فاتمه‌ی ئه‌مژی واته‌ حسن و حسێن. ئه‌مه‌ ته‌نها خۆشه‌ویستی ده‌ڕبرینه‌ بۆ منداڵ و نه‌هیچی تر!

بۆئه‌وه‌ی خوێنه‌ر چه‌واشه‌ نه‌کرێت له‌لایه‌ن من و موسلمانان من ته‌نها ئه‌م دووسێ ڕوداوه‌ له‌سه‌رچاوه‌ ئاینه‌کان وه‌رئه‌گێرم بۆ زمانی کوردی و هیچ شیکاریه‌کی له‌سه‌ر ناده‌م ئیتر خوێنه‌ر خۆی بڕیار ئه‌دات:

"هشام کوری قاسم" گێرایه‌وه‌، "حریز" گێرایه‌وه‌، "عبدالرحمن بن أبي عوف الجرشلي" گێرایه‌وه‌ که‌ "معاویه"‌ وتی" په‌یامبه‌ری ئه‌ڵلام بینی درودی ئه‌ڵلای له‌سه‌ر بێت زمانی که‌سێکی ئه‌مژی"، یان وتی لێوه‌کانی مه‌به‌ستی "حسن کوری علي"ه‌ سه‌له‌واتی له‌سه‌ر بێت، ئازاری زمانی یان لێوه‌ مژیوه‌کانی نه‌ئه‌دا درودی ئه‌ڵلای له‌سه‌ر بێت. حدثنا ‏ ‏هاشم بن القاسم ‏ ‏حدثنا ‏ ‏حريز ‏ ‏عن ‏ ‏عبد الرحمن بن أبي عوف الجرشي ‏ ‏عن ‏معاوية ‏قال: رأيت رسول الله ‏ ‏صلى الله عليه وسلم ‏ ‏يمص لسانه ‏ ‏أو قال شفته ‏ ‏يعني‏ الحسن بن علي ‏ ‏صلوات الله عليه ‏ ‏وإنه ‏ ‏لن يعذب لسان أو شفتان مصهما رسول الله ‏ ‏صلى الله عليه وسلم"

له‌ أبي هریرة ئه‌گێرنه‌وه‌ ئه‌ڵێ" په‌یامبه‌ری ئه‌ڵلام دیت درودی ئه‌ڵلای له‌سه‌ر بێت زمانی حسین کوری علي ئه‌مژی، وه‌ک منداڵ خورما بمژێ. عن أبي هريرة قال رأيت رسول الله صلى الله عليه وسلم يمص لسان الحسين بن علي كما يمص الصبي التمرة"

زمانی ئه‌مژی واته‌ زمانی حه‌لاله‌کانی ئه‌مژی وه‌ هه‌روه‌ها زمانی کچه‌که‌ی ئه‌مژی، ئه‌گێرنه‌وه‌ زمانی فاطمةی ئه‌مژی. كان يمص اللسان أي يمص لسان حلائله وكذا ابنته فقد جاء في حديث أنه كان يمص لسان فاطمة"

خوێنه‌ر ئه‌گه‌ر له‌م ساته‌ ئه‌م بینی من پێنوسه‌که‌م له‌سه‌ر مێزه‌که‌م داناوه‌ و هه‌ردوو ده‌ستم هه‌ڵبریوه‌ و عه‌په‌ساوم، چاوه‌ڕوانم تۆ قسه‌ بکه‌ی!

من هیچ ناڵێم ته‌نها یه‌ک قسه‌ ئه‌که‌م با خوێنه‌ریش به‌ لۆجیکانه‌ بیربکاته‌وه‌، ئه‌گه‌ر سه‌یری خێزانه‌ موسلمانه‌ توندڕوه‌کان بکه‌ین، ده‌بینین کچانیان هه‌ر له‌ ته‌مه‌نی چوارساڵیه‌وه‌ به‌ زۆره‌مله‌یی له‌چکدارن. چونکه‌ باش له‌ په‌یامبه‌ر و ڕێچکه‌که‌ی تێگه‌یشتون، ئه‌ترسن یه‌کێکی وه‌ک په‌یامبه‌ره‌که‌یان هه‌ڵکه‌وێ و شه‌هه‌وتی بچێته‌ سه‌ر کچه‌ بچکۆلانه‌که‌یان و ده‌ستدرێژی بکاته‌ سه‌ریان. ئه‌گه‌روانه‌بێ منداڵ له‌چکدار بێت یان نه‌بێ ئه‌بێ چ بگۆرێت له‌ بابه‌ته‌که‌. له‌و بڕوایه‌ دام، ئه‌گه‌ر په‌یامبه‌ر عائیشه‌ی زه‌وت نه‌کردبا ئه‌وا هه‌رگیز کچه‌بچکۆلانه‌کان نه‌ ئه‌بون به‌ له‌چکدار!

 

ژنه‌كانی تری په‌یامبه‌ر و نیشانه‌ی ڕاده‌ی سێكس:

په‌یامبه‌ر هه‌ر به‌ عائیشه‌ نه‌وه‌ستا ئه‌گه‌رچی یه‌كه‌مین و دووه‌مین ژنی نه‌بو، ئیتر فره‌ ژنهێنان بو به‌ حه‌ڵالكردنێكی شه‌رعی له‌لایه‌ن ئه‌ڵلاوه‌،‌ عائیشه‌ی ژنه‌بچكۆلیشی به‌م شه‌رعه‌ ڕازی بو. ئه‌م فره‌ژنیه‌ حه‌لال بو بۆ موحه‌مه‌د به‌ پێی ئایه‌تی 50ی سوره‌تی الاحزاب كه‌ ئه‌لێت(ئه‌ی پێغه‌مبه‌ر! ئێمه‌ ئه‌و ژنانه‌تمان بۆ ڕه‌وادیوی، كه‌ ماره‌ییت پێگه‌یاندون، ئه‌وانه‌ش كه‌ له‌ تاڵانێ ده‌ست كه‌وتوون و ئه‌ڵلا كردوونیه‌ پشكی تۆ. هه‌روه‌ها كچه‌ مامه‌كانت و كچه‌ پلكه‌كانت و كچه‌ خاڵانت و كیژه‌كانی خوشكی خاڵت، ئه‌وانه‌ش كه‌ له‌گه‌ڵ تۆ ئاوه‌ربوون، به‌ تۆ ده‌شێن. هه‌ر ژنێكی باوه‌رداریش – به‌و مه‌رجه‌ خۆی ببه‌خشێ به‌ پێغه‌مبه‌ر و پێغه‌مبه‌ریش گه‌ره‌كی بێ ماره‌ی بكا- ئه‌مه‌ش هه‌ر تایبت به‌ تۆیه‌، نه‌ك بۆ باوه‌ڕدارانی تر. ئێمه‌ خۆمان زانیومانه‌ كه‌ ده‌رباره‌ی ئه‌و ژنانه‌ی به‌وان ڕه‌وان و ئه‌وانه‌ی ده‌بنه‌ كه‌نیزیان، چلۆن بڕیارێكمان داوه‌، تا هیچ گیروگرفتێك بۆ تۆ روونه‌دا. ئه‌ڵلا له‌ گونا ده‌بوورێ و دلۆڤانه‌. يَا أَيُّهَا النَّبِيُّ إِنَّا أَحْلَلْنَا لَكَ أَزْوَاجَكَ اللَّاتِي آتَيْتَ أُجُورَهُنَّ وَمَا مَلَكَتْ يَمِينُكَ مِمَّا أَفَاءَ اللَّهُ عَلَيْكَ وَبَنَاتِ عَمِّكَ وَبَنَاتِ عَمَّاتِكَ وَبَنَاتِ خَالِكَ وَبَنَاتِ خَالَاتِكَ اللَّاتِي هَاجَرْنَ مَعَكَ وَامْرَأَةً مُؤْمِنَةً إِنْ وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَنْ يَسْتَنْكِحَهَا خَالِصَةً لَكَ مِنْ دُونِ الْمُؤْمِنِينَ قَدْ عَلِمْنَا مَا فَرَضْنَا عَلَيْهِمْ فِي أَزْوَاجِهِمْ وَمَا مَلَكَتْ أَيْمَانُهُمْ لِكَيْلَا يَكُونَ عَلَيْكَ حَرَجٌ وَكَانَ اللَّهُ غَفُورًا رَحِيمًا. الاحزاب 50)

كه‌وابوو فره‌ ژنی بۆ موحه‌مه‌د حه‌لال كرا له‌گه‌ل ئه‌و ژنانه‌ی كه‌ له‌شه‌ر ئه‌گیران و مێردیان ئه‌كوژرا. له‌وانه‌ی له‌شه‌ر به‌رده‌ستكه‌وتن و بون به‌ دیل(صفية، جويرة، ميمونة، ريحانة)، ئه‌و دوو ژنه‌ی که‌ به‌ دیاری ناردران بۆ په‌یامبه‌ر (ريحانة و مارية) بون.

موحه‌‌مه‌د ئه‌وه‌ی حه‌زی لێ بوو هێنای و ئه‌وه‌ی حه‌زیش لێ نه‌كرد یان ئاره‌زوی لێ نه‌ما به‌ جێی ده‌هێشت. ئه‌گێرنه‌وه‌ په‌یامبه‌ر به‌ دوای "سوده‌ بن زمعة" ئه‌نێرێت تاوه‌كو ته‌لاقی بدات چونكه‌ پیر بوبو و كه‌لكی نه‌مابو، كاتێك "سودة" به‌ڕێوه‌ ئه‌بێت له‌ رێگادا عائیشه‌ ئه‌بینێت، ئه‌ویش به‌ په‌یامبه‌ر ئه‌لێت من ڕۆژی خوم دا به‌ عائیشه‌ به‌س ته‌لاقم مه‌ده‌ تاوه‌كو عائیشه‌ و په‌یامبه‌ر لێی رازی بن، به‌م خواسته‌ش په‌یامبه‌ر رازی بو كه‌ سوده‌ ته‌لاق نه‌دات،‌ لێكدانه‌وه‌رانی ئیسلام وه‌كو(ابن عباس، ابیه‌ عروه‌، ابی بزه‌ و چه‌ندینی تر) ئه‌لێن ئایه‌تی 128ی سوره‌تی النساء له‌سه‌ر "سودة بن زمعة" دابه‌زیوه‌ كه‌ ئه‌لێت( ئه‌گه‌ر ژنێک هه‌ستی به‌وه‌ کرد مێرده‌که‌ی ئاره‌زو و ڕووی ناداتێ. قه‌یدێ ناکا هه‌وڵی پێکهاتن بده‌ن، ئاشبوونه‌وه‌ له‌ دوودڵی باشتره‌. خۆشه‌ویستی ماڵی دنیاش له‌لای هه‌مووکه‌سێ هه‌یه‌. جا ئه‌گه‌ر چاکه‌ی بکه‌ی و خۆ له‌ هه‌ڵه‌ بپارێزن، ئه‌ڵلا له‌ هه‌رکارێ ده‌یکه‌ن ئاگاداره‌. وَإِنِ امْرَأَةٌ خَافَتْ مِنْ بَعْلِهَا نُشُوزًا أَوْ إِعْرَاضًا فَلَا جُنَاحَ عَلَيْهِمَا أَنْ يُصْلِحَا بَيْنَهُمَا صُلْحًا وَالصُّلْحُ خَيْرٌ وَأُحْضِرَتِ الْأَنْفُسُ الشُّحَّ وَإِنْ تُحْسِنُوا وَتَتَّقُوا فَإِنَّ اللَّهَ كَانَ بِمَا تَعْمَلُونَ خَبِيرًا.)

به‌لێ ئه‌وه‌ی حه‌زی لێ نه‌بو یان پیر بو ئه‌یوست ته‌لاقی بدات، هه‌روه‌کو ئه‌و ژنه‌ی که‌ ناوی "أسماء بنت النعمان" ئه‌بێ له‌ رۆژی گوازتنه‌وه‌ ئه‌بینێت توکه‌ به‌ری سپی بوه‌ ده‌ستبه‌جێ ته‌لاقی ده‌دات پێش ئه‌وه‌ی سێکسی له‌گه‌ڵ بکات. لێره‌دا ئه‌بینین په‌یامبه‌ر مافیدا به‌ خۆی‌ هه‌ركه‌سێك هه‌لبژێرێت و ئه‌وه‌ی له‌گه‌ل ویستی خۆی نه‌گونجێت ته‌لاقی بدات.

هه‌ر له‌ ئایه‌ته‌كه‌ی 50ی سوره‌تی الاحزاب ئه‌و كه‌سانه‌ش حه‌لال بون كه‌ خۆیان بۆ موحه‌مه‌د پێشكه‌ش كرد. یه‌ک له‌وانه‌ی خۆی به‌ موحه‌مه‌د پێشکه‌ش کرد ناوی "میمونه‌ بنت الحارث" بوو به‌جۆرێك "عائیشه"‌ی هه‌ناسه‌کێش(ئیره‌یی) کرد و بلێت( ئه‌ڵلا له‌ ئاره‌زوی تۆ زۆر به‌ په‌له‌یه‌ تا جێبه‌جێ بكات) یاخود ئه‌یوت "ئه‌وه‌ شه‌رم نیه‌ ژنێک خۆی پێشكه‌ش بكات به‌بێ بڕی پاره‌(سه‌ده‌قه‌)، واته‌ بێ ئه‌وه‌ی پاره‌ی بدرێتێ؟! .

ئه‌و ژنانه‌ی په‌یامبه‌ر خواستنی پاش ژنی یه‌كه‌م بریتی بون له‌ (سودة بن زمعة، عائيشة بنت ابي بكر الصديق، ام سلمة، حفصة بنت عمر بن خطاب، زينب بنت جحش، ام حبيبة، فاطمة بنت شريح، زينب بنت خذيمة، هند بنت يزيد، خولة بنت الحكيم، ميمونة بنت الحارث، صفية بنت حيي، جويرة بنت الحارث، ريحانة بنت عمر، مارية القبطية،ريحانة بنت زيد، جميلة، نفيسة.) هه‌روها‌ چه‌ندین ژنی تر موحه‌مه‌د هێنای به‌ڵام نه‌چونه‌ خۆشاوی په‌رده‌ ئه‌مه‌ش چه‌ند نمونه‌یه‌که‌: "أم هاني" به‌ره‌لای کرد چونکه‌ کوری هه‌بو. "ضباعة بنت عامر" ئه‌لێن ته‌مه‌نی گه‌وره‌ بو‌، "صفیة بنت بشامة" به‌ دیلی بۆ موحه‌مه‌دیان هێنا، ئه‌ویش دڵی نه‌رم بو وتی منت ئه‌وێ یان مێردت ئه‌ویش وتی مێردم. "أم حبیب بنت العباس" نه‌چو بۆ خۆشاوی په‌رده‌ چونکه‌ زانیان که‌ عباس و په‌یامبه‌ر برای شیرین له‌لایه‌ن "ثویبة" مه‌مکیان دراوه‌تێ ( ئا ئه‌و ژنه‌ بوو که‌ حه‌زی لێکرابوو له‌لایه‌ن موحه‌مه‌د کاتێک‌ منداڵ بوو). هه‌روه‌ها وازی له‌ "جمرة بنت الحارث" هێنا چونکه‌ باوکی وتوبوی عه‌یبێکی هه‌یه‌ به‌ڵام هیچ عه‌یبێكی نه‌بو به‌ڵام هه‌ر وازی لێهێنا!(ئه‌بێ خوێنه‌ر بپرسێ باوک هه‌یه‌ کچی خۆی عه‌یبدار بکات! به‌ڵام دیاره‌ ئه‌و پیاوه‌ زۆر حه‌کیم بوه‌ کچی خۆی عه‌یبدار کردوه‌ ته‌نها بۆ ئه‌وه‌ی کچه‌که‌ی نه‌بێته‌ ژنی په‌یامبه‌ر!!!!)

ئێمه‌ به‌ كورتی باسی هاوسه‌رگیریه‌که‌ی خه‌دیجه‌ و عائیشه‌مان كرد كه‌ هۆكاره‌كه‌ی چی بو، هه‌ره‌وها ئه‌گه‌ر سه‌یری ژنی دووه‌می موحه‌مه‌دیش بكه‌ین، پێش عائیشه‌‌ سه‌وده‌یه‌ ئه‌ویش ژنێكی پیر بو، موحه‌مه‌د پێش ئه‌وه‌ی بچێت بۆ مه‌دینه‌ پێوستی به‌ هێز هه‌بو هه‌ربۆیه‌ ژنی دووه‌میشی وه‌ك خه‌دیجه‌ پیر بو و هیچ گوێی نه‌دا به‌ ئاره‌زوی سێكسی. پاشان هه‌ر له‌مه‌ککه‌ عائیشه‌ی خواست كه‌ ته‌مه‌نی 6 ساڵێك بو،‌ پاشان كه‌ كۆچی مه‌دینه‌ی كرد ئاره‌زوی سێكسی وای له‌ موحه‌مه‌د كرد كه‌ ڕانه‌وستێ تا عائیشه‌ بالغ ببێت به‌لكو هه‌ر زوو خۆی خالیكرده‌وه‌ له‌و‌ منداڵه‌، دیاره‌ ئاره‌زوه‌ سێكسیه‌كه‌ی موحه‌مه‌د بو به‌ نه‌خۆشی چونكه‌ هه‌مو ته‌مه‌نی گه‌نجی له‌گه‌ل دووژنی پیر برده‌ سه‌ر هه‌ربۆیه‌ ئه‌م كه‌پكردن و خه‌فه‌کردنی سێكسیه‌ بو به‌ داوێک بۆ عائیشه‌ی منداڵكار. له‌ کاتێک عائیشه‌ بو به‌ نێچیر، له‌ش و کچیه‌‌تی بو به‌ پڕكردنه‌وه‌ی ئاره‌زوی سێكسی موحه‌مه‌د. هه‌روه‌ك باسمان كرد به‌ عائیشه‌ی منداڵكار هه‌ندێ له‌ منداڵی و گه‌نجینه‌ی بۆ موحه‌مه‌د گه‌رانده‌وه‌ هه‌ر بۆیه‌ ویستی سوده‌ ته‌لاق بدات و ئیتر ئیشی پێ نه‌مابو. به‌ڵام سوده‌ش ئه‌یزانی موحه‌مه‌د به‌چی ئه‌گیرێ هه‌ر بۆیه‌ ئه‌ویش ئه‌و شه‌وه‌ی خۆی دا به‌ عائیشه‌ تاوه‌كو ته‌ڵاق نه‌درێ و ئه‌ویش هه‌ر نه‌بێ له‌ میژودا بڵێن ژنی پێغه‌مبه‌رێك بوه‌ هه‌تا مردن.

زۆر به‌ڵگه‌ هه‌یه‌ سه‌باره‌ت به‌ نیشانه‌ و دیارده‌ی ڕاده‌به‌ده‌ری سێكسی په‌یامبه‌ر، له‌وانه‌ ئاره‌زوی ئه‌چووه‌ ژنی ئه‌و كه‌سانه‌ی كه‌ موسلمانی ڕاسته‌قینه‌ بون و ئه‌مردن. بۆ نمونه‌ ام سه‌لمه‌ و ام حبیبه‌ی ماره‌ كرده‌وه‌ پاش ئه‌وه‌ی مێرده‌كانیان موسلمانێكی ڕاسته‌قینه‌ و وه‌فاداری بون. له‌پاش مردنی ئه‌و موسلمانانه‌ ژنانیان ئه‌بون به‌ هاوسه‌ری په‌یامبه‌ر.

له‌ ڕاستیدا سێكس و ڕامیاری زۆرجار له‌لایه‌ن په‌یامبه‌ر یه‌كی ئه‌گرته‌وه‌، بۆ نمونه‌ خواستنی "أم حبیبة" له‌وانه‌یه‌ ویستویه‌تی ابوسفیانی باوكی دڵی نه‌رم بێت چونكه‌ زۆر مه‌به‌ستی ئه‌و بو كه‌ ببێت به‌ موسلمان ته‌نانه‌ت له‌ پاش گرتنی مه‌ککه‌ پاره‌ی ئه‌دایه‌ بۆ ئه‌وه‌ی دڵی نه‌رم بێت و ببێت به‌ موسلمان، له‌وانه‌شه‌ به‌ هۆی ئه‌و هاوسه‌ریه‌ ڕقی كردبێته‌وه‌ هه‌ر بۆیه‌ ئه‌و هه‌واڵه‌ گه‌یشته‌ ئه‌بوسوفیان كه‌ كچه‌كه‌ی مێردی به‌ په‌یامبه‌ر كرد گوتی" ئه‌وه‌ ئه‌وه‌شی كرد ابن كبشه" "

سێکس له‌ ژیانی موحه‌مه‌د بو به‌ فاکته‌رێکی سه‌ره‌کی و هه‌مو بیروهۆشی که‌وته‌ خانه‌ی سێکسه‌وه‌، ئه‌گێرنه‌وه‌ کاتێک موحه‌مه‌د له‌ غه‌زوی "ذات الرقاع" ده‌گه‌رێته‌وه‌ به‌ جابر ئه‌ڵێ" ژنت هێناوه؟" ئه‌ویش ئه‌ڵێ" به‌ڵێ" موحه‌مه‌د ئه‌ڵێ" بێوه‌ژن یان کچ" ئه‌ویش ئه‌ڵێ " بێوه‌ژن" موحه‌مه‌د ئه‌ڵێ " ئه‌ی که‌نیزکێک یاری له‌گه‌ڵ بکه‌ی و یاریت له‌گه‌ڵ بکات" ئه‌ویش ئه‌ڵێ" ئه‌ی په‌یامبه‌ری ئه‌ڵلا، باوکم له‌شه‌ڕی أحد کوژرا و حه‌وت کچی له‌ دوای خۆی به‌جێهێشت، من یه‌کێکم هێناوه‌ که‌ چاودێری خوشکه‌کانم بکات." به‌ڵێ ئه‌و په‌یامبه‌ره‌ ته‌نها بیری له‌ ژن و کاری سێکسی ئه‌کرده‌وه‌ ته‌نانه‌ت هانی موسلمانانیشی ئه‌دا به‌م شێوه‌یه‌ ڕه‌فتار بکه‌ن له‌گه‌ڵ که‌نیزکه‌کان. ئایا یاری کردن له‌گه‌ڵ که‌نیزک کارێکی خرۆشی سێکس نییه‌، ئه‌ی په‌یامبه‌ری ئیسلام؟ به‌ڵام قسه‌که‌ی کاک جابر وا ده‌ریخست که‌ خۆی به‌ خاوه‌ن لێپرسراوی ماڵه‌که‌ی خۆی ئه‌زانی، هه‌رچه‌نده‌ له‌ قسه‌کانی ده‌رده‌که‌وێ بێوه‌ژنه‌که‌شی بۆ به‌رژه‌وه‌ندی هێناوه‌!

 

هاوسه‌ركردن له‌گه‌ل ژنانی سه‌با:

نیشانه‌یه‌كی تری په‌یامبه‌ر كه‌ سێكسێكی ڕاده‌به‌ده‌ری هه‌بوه‌، ئه‌ویش هێنانی ژنی كۆستدار-كۆست لێكه‌وتوان-، نه‌ك كۆستدار به‌لكو ئه‌و ژنانه‌ی مێرد و برایان ئه‌كوژران به‌ده‌ستی په‌یامبه‌ر و هه‌ر ئه‌و شه‌وه‌ش ئه‌بون به‌ هاوسه‌ری. له‌وانه‌یه‌ له‌لایه‌ن زۆربه‌ی كۆمه‌لگای ئه‌م دونیایه‌دا سه‌رزه‌نشته‌ی پیاوێك بكرێ ئه‌گه‌ر هاوسه‌ره‌كه‌ی بمرێت له‌ ماوه‌یه‌كی كه‌مدا ژیانی هاوسه‌ری دروست بكاته‌وه‌، یاخود سه‌رزه‌نشته‌ی ئه‌و ژنه‌‌ بكرێ كه‌ هاوسه‌ره‌که‌ی بمرێ پیاوێكی تر بخاته‌وه‌ سه‌رجێگای مێردی تازه‌ مردو. مرۆڤی به‌م چه‌شنه‌ زۆر كه‌من مه‌گه‌ر هه‌ر زۆرده‌گمه‌ن بن. وابزانم مرۆڤیش زۆر زه‌حمه‌ته‌ كه‌ زه‌وقی له‌ ژنێكی كۆستدار بكه‌وێ كه‌ تازه‌ دڵی سوتابێ به‌ مردنی پیاوه‌كه‌ی مه‌گه‌ر ئه‌و كه‌سه‌ هه‌ر زۆر سێكسی بێت یان نه‌خۆش بێت. به‌ڵام حاله‌ته‌كه‌ی موحه‌مه‌د زۆر له‌وه‌ سه‌یر تر و سه‌رسورهێنه‌رتر بو. موحه‌مه‌د چه‌ند غه‌زایه‌كی كرد پیاوه‌كانیان كوشت و ژنه‌كانیان برد بۆ خۆیان كه‌ په‌یان ئه‌وترا (سه‌با). موحه‌مه‌د سێ ژنی سه‌بای جوله‌که‌ی هه‌بو. به‌راستی جێگای سه‌رسورهێنه‌ره‌ كه‌سێك خۆی به‌ نێردراوی ئه‌ڵلایه‌ك دابنێت كه‌ ئه‌م ئه‌ڵلایه‌ دانه‌ری زه‌وی و ئاسمان بێت به‌و گه‌وره‌یه‌ی خۆیه‌وه‌ كه‌ ئه‌وی هه‌ڵبژاردبێ ئا‌وا ڕه‌فتار بكات، ئایا ئه‌مه‌ چ ویژدانێكه‌ كه‌ بتوانێ له‌گه‌ڵ ژنێك جوت بێت له‌و ڕۆژه‌ كه‌سوكاری بكوژێ. ئه‌مه‌ش نیشانه‌یه‌كی نه‌خۆشی سێكسیه‌، له‌وه‌ زیاتر هیچ پێناسه‌یه‌كی نییه‌.

ئه‌وه‌ی سه‌یره‌ په‌یامبه‌ر ئه‌لێت هه‌ر ژنێك مێرده‌كه‌ی مرد ئه‌بێ چوار مانگ و ده‌ ڕۆژ چاوه‌رێ بێت تاوه‌كو مێردێكی تر ئه‌كات وه‌ك له‌ ئایه‌تی 234 سوره‌تی به‌قه‌ره‌ دا هاتوه‌ و ئه‌ڵێ( ئه‌وانه‌ی لێتان ده‌مرن و ژنیان لێ به‌جێ ده‌مینێ، ژنه‌كانیان هه‌تا چوار مانگ و ده‌ ڕۆژان چاوه‌نۆڕین، له‌وه‌ به‌و لا خۆیان هه‌ر كارێكی ده‌یكه‌ن – هه‌ر هێنده‌ نا ڕوه‌ا نه‌بێ – بێڵن بیكه‌ن، ئێوه‌ گوناحتان ناگاتێ، خوداش له‌ هاركارێ ده‌یكه‌ن ئاگاداره‌. وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا يَتَرَبَّصْنَ بِأَنْفُسِهِنَّ أَرْبَعَةَ أَشْهُرٍ وَعَشْرًا فَإِذَا بَلَغْنَ أَجَلَهُنَّ فَلَا جُنَاحَ عَلَيْكُمْ فِيمَا فَعَلْنَ فِي أَنْفُسِهِنَّ بِالْمَعْرُوفِ وَاللَّهُ بِمَا تَعْمَلُونَ خَبِيرٌ.) له‌ ڕاستیدا ئه‌م‌ ئایه‌ته‌ بۆ ڕێزگرتن نییه‌ به‌لكو بۆ ئه‌وه‌یه‌ بزانن ئه‌و ژنه‌‌ دووگیانیه‌ یان نا، نه‌ك بۆ ڕێزگرتنی خاوه‌ن مردوه‌كه‌. به‌ڵام په‌یامبه‌ر و ئیسلام بێ ئه‌وه‌ی رێز له‌ ژنانی سه‌با بگرن كه‌ به‌ده‌ستی خۆیان مێرده‌كانیان ئه‌كوشت و هه‌ر ئه‌و شه‌وه‌ ئه‌یان بردن بۆ ناو په‌رده‌ی هاوسه‌ركردنێكی نوێ. ئایا ئه‌بێ چ رێزێك له‌و ژنانه‌ گیراوه‌ كه‌ له‌و ڕۆژه‌دا پیاویان كوژران و به‌ شه‌وه‌كه‌شی ده‌ستدرێژی سێكیسیان لێكراوه‌. له‌ بیرمان نه‌چێ ئه‌و ژنانه‌ش خاوه‌ن كتێبی خودایی بون!

ئایا ئه‌بێ چ به‌زه‌یه‌كیان هاتبێته‌ سه‌ر میلله‌تانی ناموسلمان و‌ خاوه‌ن كتێبه‌كانی نائاسمانی؟؟؟!!!

ناوی ژنه‌ سه‌بایه‌كان بریتی بو له‌( صفية بنت حيي، جويرة بنت الحارث، ريحانة بنت عمر).

جویرة له‌ هێرشه‌كه‌ی بني المصطلق پیاوه‌كه‌ی كوژراو خۆشی بو به‌ سه‌بایه‌، یه‌كه‌مین جار جویرة‌ كه‌وته‌ به‌شه‌كه‌ی "ثابت بن قيس" پاشان موحه‌مه‌د بۆ خۆی بردی، به‌ هۆی ئه‌مه‌ 100 كه‌س ئازاد كرا و نه‌كوژران.

هه‌روه‌ها "صفیه‌ بنت حیي" له‌ غه‌زای خه‌یبر ده‌ستی كه‌وت،‌ مێرد و باوكی كوژرا و بو به‌ ده‌سته‌كه‌وتی موسلمانان، ئیتر موسلمانان به‌ باڵوشانی ئه‌و ژنه‌یان هه‌ڵئه‌دا كه‌ چه‌ند جوانه‌، په‌یامبه‌ریش وتی بۆ منی بهێنن، كاتێك بۆیان هێنا ئه‌ویش دای به‌ "ام سلیم" تاوه‌كو بۆی رێكبخات و بیڕازێنێته‌وه‌.

هه‌روه‌ها "ریحانة‌ كچی عمر"ی ده‌ست كه‌وت له‌ غه‌زوی بني القریض، داوای لێكرد هه‌ڵبژێرێ له‌ نێوان كه‌نیزك و هاوسه‌رایه‌تی. به‌ڵام "ریحانه" به‌ شێوه‌یه‌ك جه‌رگی بڕابو وتی با به‌ كه‌نیزكه‌کی له‌لاتدا بمینێمه‌وه، به‌مه‌ش موحه‌مه‌د دڵی بۆ داواکاریه‌که‌ی نه‌رم بو.

به‌ڵێ ئه‌بێ بپرسین چۆن ئه‌ڵلایه‌ك ژنانی كۆستدار ئه‌كاته‌ حه‌ڵالی موسلمانان و نرخی مرۆڤایه‌تیان لێ ئه‌ستێنێته‌وه‌ و په‌یامبه‌ری خۆشی له‌ ڕێگای سێكسه‌وه‌ له‌كه‌دار ئه‌كات و ئه‌یخاته‌ گۆشه‌ی ڕه‌خنه‌گرتنی بیرمه‌ندانه‌وه‌!

له‌ڕاستیدا، زۆر جار له‌ موسلمان ئه‌بیستین ئه‌ڵێن ئه‌وسه‌رده‌مه‌ سه‌رده‌مێکی جاهیلی بوه‌ و ناتوانین پێوانه‌ی دووسه‌رده‌م بکه‌ین به‌ یه‌ک پێوانه ئه‌ویش پێوانه‌ی سه‌رده‌می نوێیه‌ که‌ باسی مافی یاسای نێو ده‌وله‌تی و تاکی سه‌رده‌م ئه‌کات. به‌ڵام خۆیان له‌ بیرئه‌چێته‌وه‌ ئه‌م شه‌ریعه‌ته‌ی خۆیان له‌سه‌ری ئه‌رۆن شه‌رعی ئه‌ڵلایه‌ و شه‌رعێکی نه‌گۆره‌ و ئه‌بێ بۆ هه‌مو سه‌رده‌مێک بشێت. واته‌ شه‌رعی جه‌نگه‌ڵ له‌ ڕوانگه‌ی یاسای ئیمرۆدا ئیسلام ئه‌کات به‌ دوو به‌ش یه‌کێان ئه‌ڵیت ئه‌مه‌ ته‌نها بۆ سه‌رده‌مێکه‌ و نابێ په‌یره‌و بکرێت ئه‌وی تریش ئه‌ڵێت ئه‌بێ جێبه‌جێ بکرێت و له‌سه‌ر سونه‌تی موحه‌مه‌د بڕۆین نه‌وه‌ک له‌سه‌ر سونه‌تی یاسای ئیمڕۆ چونکه‌ ئه‌گه‌ر وابێت ئه‌بێ سه‌با له‌ شه‌رعی ئیسلام نه‌مینێ و بێنه‌ سه‌ر شه‌رعی کافران. هه‌ربۆیه‌ ئه‌م ڕه‌وته‌ هه‌مو کرده‌وه‌کانی موحه‌مه‌دیان پێ ڕاسته‌ نه‌ک سێکسکردن له‌گه‌ڵ ژنی سه‌با که‌ تازه‌ مێردیان کوژرا بو،‌ به‌لکو له‌گه‌ڵ ژنی مردوش که‌ سێکسی کرد پێیان ڕه‌وا بو.

له‌ دیاردێکی تری سه‌رسورهێنه‌ری موحه‌مه‌ددا له‌کاتی به‌خاک سپاردنی ژنێک خۆی پێناگیرێ و سێکسی له‌گه‌ڵ ئه‌کات. چیرۆکه‌که&zwnj
ڕێکه‌وتی بڵاوکردنه‌وه 2014-01-15 08:23:00
به‌شی ( ئیسلام ) ئاماده‌کرد ( خوداکان )



بۆ, ئه‌وه‌ی, ده‌ركه‌وێ, زیاتر, په‌یامبه‌ر, پێغه‌مبه‌ره‌, یان, نا, ئه‌بێ, زیاتر, باسی, كه‌سایه‌تی, بكه‌ین, ئه‌گه‌ر, پێغه‌مبه‌ر, بوبێت, و, هه‌ڵبخوداکانسێبەری, شمشێرەكان, سێكس, و, پەڕینی, زۆر, بەشی, پێنجه‌م Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا