شاخه‌وان برایم عه‌بدوڵڵا:ئایین له‌چنگی ئیسلامی سیاسیدا پارێزراو ده‌بێت یاخود به‌كارده‌هێنرێت؟


ئایین هەمیشەله ‌لایەن ئیسلامی سیاسییەوەوەك كەرەستەیەك یاخود مادەیەكی خاو وایەكارەكتەرەكۆنەپەرست و گۆشكراو بەفیكری سیاسی بۆ مەرامی كەسێتی لەكارگەی فیكری حیزبی خۆیاندا بەكاری دەهێنن بۆ ئەوەی وەك كالایەكی بازرگانی بیخەنە‌ناو بازاڕی ئەجێندا بۆرژوازییەكانیان و دواتریش وەك مشەخۆرئاسا لەسەر جەستەی ئایین لانەجێدەكەن و گەرای تر دەر دەكەن بۆ ئەوەی وەك پەتایەك بەنێو جومگەسیاسی و ئابووری و كۆمەڵایەتی و ئینسانییەكانی كۆمەڵگەدا بڵاو ببنەوە‌، ئەوكات ئایین بەتەواوی دەكەوێتەخزمەت كارەكتەرەكۆنەپەرست و مشەخۆرەئیسلامییەكان.
ئایینی ئیسلام له ‌مێژووی خۆیدا، هەمیشەله ‌لایەن گروپ و تەیاری سیاسی و كەسییەوە، وەك پیشەیەك بووە‌راستەوخۆ سوودی بۆ چینێكی دیاریكراوی كۆمەڵگەموسڵمانەكان هەبووەو له ‌ناو هەندێ كۆمەڵگەی تری موسڵمانیشدا لەبری سوود، زیانی هەبووەلەزۆر بواری جیاوازدا.
كورد هەمیشەقوربانی هەستی ئایینی بووەو بۆیەش نەبۆتەخاوەنی كیانی سیاسی خۆی هاوشانی تورك و فارس و عەرەبەكان، ئەوەی تورك و فارس و به ‌تایبەت عەرەبەكان لەو كەرەستەخاوەدا كەمەبەست ئایینی ئیسلامە‌دەستیان دەكەوێت زۆر جیاوازەلەوەی كورد دەستی كەوتووە، تورك و فارس و عەرەب به ‌هۆی ئایینەوەبوونەتەخاوەن كیان و هێز لەناوچەكەدا، كەچی كورد به ‌هۆی نەشارەزایی و پاشكۆێتی بەشێكی یەكجار زۆر لەوانەی گۆشكراون بەهەستی ئایینییە‌وەزیانمەندی یەكەم بووەو تەنیا نوێژی و بەرۆژوو بوونی چنگ كەوتووە! كوردستان قەیرانی نەخۆشخانەو باخچەی ساوایان و رێگەوبان و قوتابخانەو زۆر شتی تری لەو جۆرەی هەیەكەوا‌راستەوخۆ ئەمانەبەشداری دەكەن لەبونیادنانی شارستانێتی كوردستان، كەچی زۆرترین پارەو ئابووری كوردستانییەكان لەمزگەوت و سەردانی حەج و عومەرەدا سەرف دەكرێت و هەمیشەش وەك میللەتێكی بێدیین له ‌لایەن برا موسڵمانەكانیانەوەدەستی تۆمەتی بۆ درێژ دەكرێت و به ‌سوود وەرگرتن لەتێكستەئایینییەكان و بەهۆی ململانێی نەتەوەییەوەئەنفال دەكرێت و دووچاری هەڵەبجەدەبیت و پیاوەئایینییەكانی كەراستەوخۆ پاشكۆی ئایینی عەرەبن فزەیان لێوەنایەت و له ‌ئاست ئەو چەوسانەوەو تاوانكارییەدا بۆ ئەوەی یەكڕیزی ئایینی پشێوی تێنەكەوێت نایەنەدەنگ، ئاخر شورەییەلەئێستاكەدا ئیسلامییەكانی باشوری كوردستان، پشتیان لەهەستی كوردبوونیان كردووەو هەوڵی بڵاوكردنەوەی فیكری كۆنەپەرستانەی ئایینی به ‌گوێی نەوەی نوێی نائاشنا بەو مێژووەدا دەدەن و تەنانەت زۆرترین پارەلەمیدیاكانیان سەرف دەكەن بەمەبەستی بڵاوكردنەوەی فیكری كۆنەپەرستی و فێندەمێنتالیستی ئیسلامیانەبۆ ئەوەی نەوەیەكی گۆشكراو و مێشك شۆردراو بەتەپوتۆزی ئەسپی هێرشبەری‌موسڵمانەكان بخزێننەناو كۆمەڵگەی كوردستانییەوەتا دەست بەسەر ئەو ئەزموونەسیاسییەدا بگرن كەبەهۆی خەبات و قوربانیدانی رۆڵەكانی هاتۆتەدی.
له ‌كاتێكدا كوردانی رۆژئاوا هاوشێوەی كارەساتی هەڵەبجەبەدەست برا ئیسلامییەكانیانەوەدەكوژران، كەچی ئیسلامییەكانی كوردستان خەریكی هاشوهوشی میدیایی بوون بۆ مورسی و حكومەتەكۆنەپەرست و شكستخواردووەكەی ئیخوانەكان، بەم كارەیشیان لەسەر ئاستی نێودەوڵەتیدا پەلەیەكی ڕەشیان لەتەوێلی كورددا و لەلایەكی تریشەوەپەیامی ئەوەی گەیاند كەكوردەكان هێشتاكه هوشیاری سیاسییان لەئاستێكی نزمدایە، ئەگینا چۆن لەئاست كوشتاری میللەتەكەی خۆیاندا بێدەنگن ‌و لەولاتریشەوه لەپێناوی مورسیدا هێرش‌دەكەنە‌سەر عەلمانییەكانی كوردستان، ئاخر ئەگەر عەلمانییەكانی كوردستان تا بینەقاقایان غەرقی گەندەلی پارەش بووبێتن، هێشتاكەلەباشیدا بەئیسلامی سیاسیدا بەراورد ناكرێن و ئەمەش داكۆكی نییەلەگەندەڵی، بەڵكو هەڵبژاردنی ڕەوتێكی باشترە‌كەئومێدی سبەیەكی باشتریان لێ چاوەڕی دەكرێت و بەپێچەوانەوەسبەیەكی كۆنەپەرستانەلەكۆمەڵ و یەكگرتوو و بزوتنەوەی ئیسلامی وەك سێ حیزبی خاوەن ئایدۆلۆژی دواكەوتوو چاوەڕی دەكرێت كەچەكوشی چەوسانەوەو دواكەوتوویی لەجەستەی تاكی جیاواز لەفیكری ئەواندا بدەن.
شورەییەرۆژانەلاشەی ئیسنانی موسڵمان لەسەر شەقام و ناو مزگەوت و ماڵەكاندا كەوتوون و كەچی ئیسلامییەكانی كوردستان بانگەشەی دەوڵەتی ئیسلامی بەگوێی تاكی سادەی كورددا دەدەن، ئاخر بۆ منێكی عەلمانی كارەساتەلەسەر فیكری جیاواز ئینسان بكوژرێت جا ئەو فیكرەهەر فیكرێك بێت، بەلای عەلمانییەكی راستەقینەچ عەرەبێكی موسڵمان و چ توركێكی موسڵمان و چ كوردێكی ئێزیدی و موسڵمان و چ تاكێكی ئەوروپی مەسیحی بكوژرێت هەمان فۆڕمی هەیەئەویش كوشتنی ئینسانە، بەڵام ئیسلامییەكان شانازی بەوەوەدەكەن حیزبوڵڵا تاكێكی ئیسرائیلی یان ئەمریكی بكوژێت گوایەداكۆكی لەئایین دەكات و وەك جیهاد سەیری دەكات و پیرۆزی دەكات، ئاخر ئەگەر جیهاد بووەهۆی كوشتنی ئینسان پیرۆزییەكەی لەكوێدایە!
ئیسلامییەكانی كوردستان وەك هەڵگری هەمان شێوەلەفۆڕمی ئیسلامییەكانی وڵاتانی عەرەبی بەتایبەت ئیخوان موسلمینی دایك، هەموو هەوڵێكیان گەیشتنەبەدەسەڵات بۆ ئەوەی كۆمەڵگەبگەڕیننەوەهەمان دۆخی سەردەمی خەلافەتی ئیسلامی، ئاخر خەلافەت لەدوای خۆیدا لەكولتووری كوشتن و دروستكردنی مەزهەب و ململانێی خوێناوی نێوان موسڵمانەكان چیتری بەجێهێشت، بەمەش دەكرێت بگوترێت ئەو كوشتارەی ئێستاكەلەوڵاتانی ئیسلامیدا دەگوزەرێت درێژكراوەی كولتووری توندڕۆیانەی خەلافەتە، كێ هەیەنەزانێت كەعوسمان كوڕی عەففان و خەلیفەعەلی و حەسەن و حوسێن، تیرۆركراوی ویستی گەیشتن بەدەسەڵاتن كەكارەكتەری سەرەكی كردەتیرۆرییەكان بەشێك لەموسڵمانەكانن كەپێیانوایەتەنیا كوشتن و توندوتیژی دەیانگەیەنێت بەمەرامی سیاسی خۆیان، ئاخر وتاری مەلایەكی كوردستان كەهانی خەڵكی دەدات دژی ئازادی و دیموكراسیخوازان بێنەدەنگ چی كەمترەلەكوشتن، ئەگەر تێزابكردن بەجەستەی ژنان لای ئیسلامییەكان رەوایەتی هەیەئەوەهەوڵیكی ئاشكرای ئیسلامییەكانە‌بۆ تیرۆركردنی ئەوانەی وەك خۆیان بیر ناكەنەوە.
لەئێستاكەدا كەوادەی پروپاگەندەكانەو رۆژ دوای رۆژ لەهەڵبژاردن نزیك دەبینەوە، ئیسلامییەكان به هەزاران پۆستەری كاندیدەكانیان بە‌دروشمی ئیسلامی رازاندۆتەوەو‌بەنێو كۆمەڵگەدا پەخش كردووە، ئەمەش واتای راستەوخۆی بەكارهێنانی ئایین دەگەیەنێت بۆ پروپاگەندەی هەڵبژاردن، ئاخر لەسەر بەشێكی زۆر لەپۆستەر و ئاڵاكانیان ئایەتی قورئانی دەبینرێت و پاشانیش لەسەر شۆستەو گەڕەكەكاندا هەڵدەواسرێن و دواتریش بەهۆی كۆن بوون و با و هاتووچۆی ئۆتۆمبێل و مونافەسەی حیزبییەوەئەو پۆستەرانەدەدڕێن و دەكەونە‌ژێر پێی ئینسانەكانەوە، رەنگیشەبەشێك لەكردەی دڕاندنەكان خۆیان پێی هەڵسن بۆ ئەوەی رەوایەتی بدەن بەو رەخنانەی بەردەوام ئامادەیان كردووەدژ بەعەلمانییەكان و دەسەڵات بەمەبەستی زیادكردنی كێرفی جەماوەریان لەبەئامرازكردنی ئاییندا، ئاخر بەپێی ئەو هاشوهوشەی ئەوان بێت گوایەداكۆكی لەئایینی ئیسلام دەكەن ئەمەش كوفرە، چونكەتۆی ئیسلامی سیاسی هۆكاری لەوەی ئەو ئایەتانەبدڕێن و بكەونەژێر پێی خەڵكەوە، ئەگەر ئەمەڕەوایەبۆ گەیشتن بەدەسەڵات، كەواتەپێویستەبگوترێت ئەو فەوزایەی لەسەر گۆڤاری چرپە‌دروستیان كرد بۆچی ناڕەوا نەبێت! واتەبۆ خۆیان ئاساییەئەگەر ئایەتەكان له ‌پێناوی كورسی و بەرژەوەندی حیزبیاندا بدڕێنرێن، كەچی بۆ خەڵكی نارەوایەرەخنەیاخود سەرنجی لەسەر ئایین هەبێت، خۆ ئەگەر ئەمەیش روویدا ئەوا بكەری رەخنەگر دهخرێتەبازنەی سوكایەتیكەر بەئایینەوەو بەمەش كۆمەڵگەی لەدژ هاندەدەن و بۆی هەیەلەو چركەساتەدا بەهۆی هاندانی ئەوانەوەتیرۆر بكرێت.
بۆ ئەوەی كۆمەڵگەلەمەترسی ئیسلامییەكان پارێزراوبێت، پێویستەدەنگدەری كورد زۆر هوشیارانەدەنگ بدات و به ‌هیچ شێوەیەك رێگەنەدەن دەنگیان ببێتەهۆی خوڵقاندنی ژینگەیەكی كونەپەرستانه كەئیسلامییەكان دروستكەری بن. واتەئەگەر دەنگدەری كورد دەنگی بەئیسلامییەكاندا بەمەش دەبێتەهاوبەش لەخوڵقاندنی ئەو مەترسیانەی بەهۆی هاتنەدەسەڵاتی ئیسلامییەكانەوەدووچاری كۆمەڵگەدەبێتەوە، رەنگەئەو بۆچوونەبەئەنتی دیموكراسی لەقەڵەم بدرێت، بەڵام من چی لەدیموكراسی هەڵبژاردن بكەم كەكۆمەڵگەبەهۆیەوەكەوتەنێو گۆماوی كۆنەپەرستییەوە، چونكەئیسلامییەكان هەمیشەدەیانەوێت لەسەر ئاستی كۆمەڵگەدا وا لەخەڵكی سادەبگەیەنن كەئەوان واتەئیسلامی سیاسی پارێزەری ئایینن ‌و تەنیا ئەوانن داكۆكی لەئایین دەكەن، كەچی پێچەوانەكەی راستەو ئایین لەچنگی ئەواندا دووچاری رەخنەی زیاتر دەبێتەوەوەك ئەوەی بن لادن لەئەفغانستان و نەژاد لەئێران كردیان، ئایین لەگەڵ ئەوەی‌پێویستی بەپاسەوان نییە، هاوكات لەلایەن ئەوانەی بەزۆر خۆیان كردووەبەپاسەوانی بۆ مەرامی تایبەتی بەكاردەهێنرێت و تەنیا مەبەست دروستكەری مشەخۆی ئیسلامی سیاسییەلەسەر جەستەی ئایین.
ئیسلامی سیاسی گروپگەلی تەقلیدی و لاساییكەرەوەن گەشەسەندنی خۆیان لەوەدا دەبیننەوەكۆمەڵگەهوشیاری مەدەنی لەئاستێكی لاوازدا بێت، چونكەئەگەر هوشیاری تاكەكان لەئاستێكی بەرزدابوو ئەوكات دەكەونەژێر پرسیاری جیدییەوەو چانسی گەیشتن بەدەسەڵات لەدەست دەدەن، بۆیەش كار لەسەر گەڕانەوەی كۆمەڵگەبۆ سەردەمی سەرەتای دەركەوتنی ئایین دەكەنەوەكەئەوكات فیكری ئینسانەكان لەسەر بنەمای خیڵەكی و كۆنەپەرستانەدابوون و لەبری دیالۆگ پەنایان بۆ هەڕەشەو كوشتاری قێزەوەن بردووە. دەركەوتەكانی ئیسلامی سیاسیش لەشێوەی فۆڕمەتوندڕۆكەدا جیهانی دووچاری مەترسی كردۆتەوەبەوپێی دژەئازادی و مەدەنی و ژیانی ئاسایین و هەمیشەوەك بۆمب وان هاكەلەپڕێكدا بەجەستەی شارستانێی دونیادا تەقینەوە، وەك چۆن بن لادن بووەهەڕەشەبەسەر كۆمەڵگەی جیهانی و بەتایبەت ئەمریكییەكان و ئیسرائیلییەكان، ئەمەش ئاماژەیەكی ترسناكەلەهاندانی شەقامی موسڵمانان دژ بەمەسیحی و جولەكەكان، ئیسلامییەكانی كوردستانیش لەبری ئەوەی بڵێن ئیسرائیل دەڵێن جولەكە، ئەمەش نیشانەی هاندانی تاكی كوردەدژ بەجولەكەو ئەمریكییەكان تاكو دەسەڵاتی سیاسی كوردستان متمانەی نێودەوڵەتی بەتایبەت ئەمریكییەكان لەدەست بدات و بەمەش كوردستان بكەوێتەوەژێر چنگی داگیركەرەموسڵمانەكان.

 

ڕێکه‌وتی بڵاوکردنه‌وه 2013-11-02 05:40:00
به‌شی ( وتار/بابه‌ت ) ئاماده‌کرد ( شاخەوان برایم عەبدوڵڵا )



ئەو, فەوزایەی, لەسەر, گۆڤاری, چرپە‌دروستیان, كرد, بۆچی, ناڕەوا, نەبێت, واتەبۆ, خۆیان, ئاساییەئەگەر, ئایەتەكان, له, ‌پێناوی, كورسی, و, بەرژەوەندی, حیزبیانشاخەوان, برایم, عەبدوڵڵاشاخه‌وان, برایم, عه‌بدوڵڵائایین, له‌چنگی, ئیسلامی, سیاسیدا, پارێزراو, ده‌بێت, یاخود, به‌كارده‌هێنرێت Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا