ئاڵا وشیار: هەشت بەڵگە بۆ رەتکردنەوەی دووکه‌رتبوونی مانگه‌که‌ی موحه‌ممه‌د، شق القمر

 

لە ئایەتی یەکەم و دووهەمی سورەی قەمەر بەم شێوە دەڵێ:

اقْتَرَبَتِ السَّاعَةُ وَانشَقَّ الْقَمَرُ ۱

رۆژی قیامه‌ت نزیک بۆته‌وه و مانگیش له‌ت بوو

بە پێی ئەم وەرگێرانە کە کراوە هەڵەیەکی دەستووری هەیە، چوون کە دەڵێ رۆژی قیامەت نزیک بووەتەوە باسی ئیستە دەکات و کاتێک دەڵێ مانگیش لەت بوو یەعنی بە هیوایە قسەیەکمان بۆ بگێڕێتەوە کە ئەگەر سەرنج بدەن وەرگێرانەکە، یان دەقی ئایەتەکە لە نێوان داهاتووە و رابردوودا کێشە دروست دەکات

وَإِن يَرَوْا آيَةً يُعْرِضُوا وَيَقُولُوا سِحْرٌ مُّسْتَمِرٌّ ﴿۲

( 2 )   خۆ ئه‌گه‌ر ئه‌وانه‌ هه‌ر موعجیزه و به‌ڵگه‌یه‌ک ببینن پشت هه‌ڵده‌که‌ن و ده‌ڵێن: ئه‌مه‌جادوویه‌کی به‌رده‌وامه‌

زانایانی ئیسلامی و لێکۆڵەوەرانی ئایینی ئیسلام، ئەم دوو ئایەتە وەک موعجیزەی لەتبوونی قورعان لە لاییەن مەحەمەدەوە لە شەوی چواردەهەمی ذی الحجە {رەنگە ساڵی چوارەمی بەعسەت" بعثت}لێک بدەنەوە  بە پێی رەوایەت دەڵێن: کە کافرانی قوڕەیش داوایان لە مەحەمەد کردوە کە مانگ بکات بە دووکەرتەوە، ئەو کاتیش مەحەمەد بە یەک ئیشارەتی پەنجەی مانگی کردوە بە دووکەرتەوە. و ئەم دوو نیوەی مانگە هێندە لە یەک دابڕاون کە لە سەر شانی دوو کێو بینراون و دوای ئەم موعجیزە مەحەمەد بە پەنجە ئەم دوو کەرتەی مانگی پێکەوە لکاندوەتەوە

هەڵبەت لە تەفسیری "اثنی عشری" لە جڵدی ١٢ لاپەڕەی ٣٦٦ شتێکی تریش دەخوێنینەوە:

زۆربەی لێکوڵەرەوان وەک ابن مسعود و ابن عباس و حذیفە یمانی و انس بن مالک و جبیر بن معطم و عبداللە عمر بەم شێوە دەڵێن:

ئەبووجەهل و جوولەکەیەک شەوێک چوونە لای مەحەمەد و ئەو شەوە شەوی چواردەهەمی مانگ بوو. ئەبوو جەهل گووتی:  ئەگەر ئەمشەو موعجزە نیشانم نەدەیت سەرت بە شمشێر دەپەڕێنم. مەحەمەد گووتی: چیت دەوێت؟ ئەبووجەهل گووتی: ئەم جوولەکە ساحیرە و ئەوەی دەمانهەوێت ئەو بە سیحر بۆمان دەکات. با بزانم ئەو چیت لێ داوا دەکات دەبێ بیکەیت چوون ئەو شارەزایی سێحرە

جوولەکە گووتی: مانگ بکە بە دوو لەتەوە چوون سێحر و ساحری دەسەڵات بە سەر ئاسماندا نییە ..ئەبوو جەهل گووتی: بزانم ئەتوانی مانگ بکەیت بە دووکەرتەوە. مەحەمەد دەستی کرد بە دۆعا کردن و ئیشارەی بە مانگ دا و کردی بە دوولەتەوە

 

لێرە کۆمەڵێک  چەواشەکاری و کێشە هەیە دەبێ بە وردی سەرنجی بدەین و باسی بکەین بۆ ئەم مەبەستیش لە خوودی قورعان کە لە لاییەن ئیسلامیەکانەوە باشترین سەرچاویە کەڵک وەردەگرین

١ـ مەحەدمی ئسیلام خاوەنی هیچ موعجیزەیەک نەبووە و هێز و توانای موعجیزەی نەبوو: لە قورعان زۆر بە راشکاوانە باس لەوە کراوە کە مەحەمەد مرۆڤێکە وەک - هەموو مرۆڤەکانی تر و هەرگیز لە گەڵ مرۆڤەکانی تر جیاوازی نەبووە.

بۆ پشت بەستن بەم قسەی سەرەوە لە ئایەتی ٩٤-٩٥ سورەتی ئەسرا کەڵک وەردەگرین:

 

وَمَا مَنَعَ النَّاسَ أَن يُؤْمِنُواْ إِذْ جَاءهُمُ الْهُدَى إِلاَّ أَن قَالُواْ أَبَعَثَ اللّهُ بَشَرًا رَّسُولًا ﴿۹۴

  هیچ شتێك نه‌بووه‌ته کۆسپ له ڕێگه‌ی ئه‌وه‌دا خه‌ڵکی باوه‌ڕ بهێنن_ کاتێك هیدایه‌تیان بۆ هات_ ته‌نها ئه‌وه نه‌بێت که وتیان: ئایا خوا مرۆڤێکی به فرستاده ناردووه‌

قُل لَّوْ كَانَ فِي الأَرْضِ مَلآئِكَةٌ يَمْشُونَ مُطْمَئِنِّينَ لَنَزَّلْنَا عَلَيْهِم مِّنَ السَّمَاءِ مَلَكًا رَّسُولًا ﴿۹۵

  پێیان بڵێ: ئه‌گه‌ر له‌سه‌ر زه‌ویدا فریشته هه‌بوونایه‌و به‌دڵنیاییه‌وه هاتوچۆیان بکردایه‌و ژیانیان ببردایه‌ته سه‌ر، ئه‌وه ئێمه هه‌ر له ئاسمانه‌وه فریشته‌یه‌کمان داده‌به‌زانده سه‌ریان که پێغه‌مبه‌رو فرستاده بێت بۆیان.

بە پێی ئەقڵ موعجیزە کردەوەیەکە کە لە کردار و کردەوەی مرۆڤ بەدوورە و مرۆڤی ئاسایی هێزی ئەوەی نییە کە بیکات و هەر بەم پێیە چوون مەحەمەد کەسێکی ئاسایی بووە بەدوورە لە هێزێک لە سەرەوەی سروشت و کردار و کردەوەی موعجیزە پێویستی بە هێزێکی زیاتر لە ئینسان هەیە

٢ـ خوودی مەحەمەد رایگەیاندوو کە هیچ جۆرە موعجیزەیەکی نییە: مەحەمەد زۆر جار لە وڵامی ئەو کەسانەی کە داوای موعجیزەیان لێ کردوە دەڵێت: ناتوانم موعجیزە بکە و بە جۆرێک لە ژێر کردەوەی موعجیزە دەرچووە. دەتوانین بۆ نمونە کەڵک لە ئایەتەکانی ١٨١و ١٨٤ آل عمران و ئایەی ٧ سورەی الرعد و ئایەی ٣٧ سورەی انعام و ئایەی ٥٩ سورەی اسرا و ئایەتەکانی تر

 

وَمَا مَنَعَنَا أَن نُّرْسِلَ بِالآيَاتِ إِلاَّ أَن كَذَّبَ بِهَا الأَوَّلُونَ وَآتَيْنَا ثَمُودَ النَّاقَةَ مُبْصِرَةً فَظَلَمُواْ بِهَا وَمَا نُرْسِلُ بِالآيَاتِ إِلاَّ تَخْوِيفًا ﴿۵۹

سورەی اسرا

لَّقَدْ سَمِعَ اللّهُ قَوْلَ الَّذِينَ قَالُواْ إِنَّ اللّهَ فَقِيرٌ وَنَحْنُ أَغْنِيَاء سَنَكْتُبُ مَا قَالُواْ وَقَتْلَهُمُ الأَنبِيَاءَ بِغَيْرِ حَقٍّ وَنَقُولُ ذُوقُواْ عَذَابَ الْحَرِيقِ ﴿۱۸۱

فَإِن كَذَّبُوكَ فَقَدْ كُذِّبَ رُسُلٌ مِّن قَبْلِكَ جَآؤُوا بِالْبَيِّنَاتِ وَالزُّبُرِ وَالْكِتَابِ الْمُنِيرِ ﴿۱۸۴

سورەی ال عمران

وَيَقُولُ الَّذِينَ كَفَرُواْ لَوْلآ أُنزِلَ عَلَيْهِ آيَةٌ مِّن رَّبِّهِ إِنَّمَا أَنتَ مُنذِرٌ وَلِكُلِّ قَوْمٍ هَادٍ ﴿۷

سورەی الرعد 

وَقَالُواْ لَوْلاَ نُزِّلَ عَلَيْهِ آيَةٌ مِّن رَّبِّهِ قُلْ إِنَّ اللّهَ قَادِرٌ عَلَى أَن يُنَزِّلٍ آيَةً وَلَكِنَّ أَكْثَرَهُمْ لاَ يَعْلَمُونَ ﴿۳۷

سورەی الانعام

بەم پێی ئەم چەن ئایەتە و ئایەتەکانی تر چەن جار بە نەبوونی موعجیزەی مەحەمەد ئیشارە دراوە و تاکید لە سەر نەبوونی موعجیزەی مەحەمەد کراوە...

 

ئیستە با بگەڕێنەوە بۆ سەرتایی باس یەعنی باس کردن لە ئایەتی یەک و دووی سورەی قەمەر! ئەگەر موعجیزەیەک بوونی هەبێت ئایا ئەم ئایەتانەی کە لێرە باس کرا ناکەوێتە گومانەوە؟ یان ئەگەر موعجیزەیەک هەیە بۆچی ئەم ئایەتانەی تر باسی هاتووە و باس لە نەبوونی موعجیز و نەهاتنی موعجیزە کراوە. لە هیچ کوێ قورعان مەحەمەد باسی لە موعجیزەی خۆی نەکردوە و جگە لە خوودی قورعان نەبێ.. کە ئەوەیش هەڵگری کۆمەڵێک باسە کە لێرەدا ناگونجێ؛ با بڕۆینە سەر بەڵگەکانی تر

٣ـ تناقض[ دژ بە یەک بوونی مێژووی لە نێوان ئایەتەکانی قورعان] سورەی قەمەر سورەی مەکەیە کە لە سەرەتایی بعثت نازڵ بووە[رەنگە ساڵی چوارم] و ئایەتەکانی تر کە داوا موعجیزە لە مەحەمەد دەکەن کۆنتر، چۆن مەحەمەد لە سەرەتایی  موعجیزەی کردوە - بەڵام دواتر موعجیزەی نەکردوە و بێ هێزی خۆی لە ئاست موعجیزەدا دەڕبڕیوە و هەر جارە بە  شێوەیەک لە ژێر موعجیزە شانی خاڵی کردوە؟ یان بۆ بە خەڵکی نەگووتوە برۆن لەوانە بپرسن کە دووکەرتی بوونی مانگیان لە لاییەن منەوە بینیوە! و لە هیچ کوێ قورعاندا بە روونی باس لە دووکەرت بوونی مانگ نەکراوە لە لاییەن مەحەمەدەوە  بەڵام بە پێچەوانە دەبینین کە سەدان جار داوای موعجیزە لە مەحەمەد کراوە کەچی یەکجاریش نەیگووتوە کە من فڵان رۆژ مانگم کرد بە دوو لەتەوە..

ئەگەر مەحەمەد توانای دووکەرت بوونی مانگی هەبوایە کە بە قسەی موسڵمانان ئەنجامی داوە ساڵەکانی تریش هەمان کاری دەکردەوە و یان لە شاهیدەکانی ئەو رووداوە کەڵکی وەردەگرت بۆ سەلماندنی

٤ـ هۆکاری چی بووە کە مەحەمەد مانگی کردوە بە دوو کەرتەوە بەڵام لە سەردەمانی تردا ئەم کارەی نەکردوە و هیچ موعجیزەیەکی تری نەکردوە[ ئەگەر سونەتی خودا ئەوە بووە کە مەحەمەد موعجیزە نەکات کەوایە ئەم یەکجارەیش نەیدەکرد و بە پێچەوانە ئەگەر سونەت ئەوە بووە کە کەڵک لە موعجیزە وەربگرێت بۆچی هەر ئەو جارە بووە؟ و بۆ داواکاریەکانی تر وڵامی "نە"ی هەڵبژاردوە؟

٥- وەرگێرانی وشەی [ الساعە]

وەرگێرانی دروستی وشەی "الساعە" بە پێی ئەم هۆکارانە "قیامەتە:

هۆکاری یەکەم: بە گشتی لە هەر کوێی قورعان وشەی "الساعە" هاتوە مەبەست لە قیامەتە" بۆ نمونە  سەیری الانعام ئایەی٣١

قَدْ خَسِرَ الَّذِينَ كَذَّبُواْ بِلِقَاء اللّهِ حَتَّى إِذَا جَاءتْهُمُ السَّاعَةُ بَغْتَةً قَالُواْ يَا حَسْرَتَنَا عَلَى مَا فَرَّطْنَا فِيهَا وَهُمْ يَحْمِلُونَ أَوْزَارَهُمْ عَلَى ظُهُورِهِمْ أَلاَ  سَاء مَا يَزِرُونَ ﴿۳۱

( 31 )   به‌ڕاستی ئه‌وانه‌ی که بڕوایان به‌ئاماده بوونی به‌رده‌م (دادگای) خوایی نه‌بوو زه‌ره‌ریان کرد و خۆیان دۆڕاند، کاتێکیش قیامه‌ت کتوپڕ یه‌خه‌یان پێده‌گرێت، ده‌ڵێن: ئاخ و داخ وپه‌شیمانی بۆ ئه‌و ڕۆژگاره‌ی به‌که‌مته‌رخه‌می و (به‌به‌ره‌ڵایی و سه‌رکه‌شی و تاوان) بردمانه‌سه‌ر، له‌کاتێکدا ئه‌وانه هه‌موو گوناهو تاوانیان داوه به‌کۆڵیاندا، ئاگاداربن که چه‌نده خراپه‌، کۆڵ و باری وا، که هه‌ڵی ده‌گرن.

سورەی الاعراف ئایەتی ١٨٧

يَسْأَلُونَكَ عَنِ السَّاعَةِ أَيَّانَ مُرْسَاهَا قُلْ إِنَّمَا عِلْمُهَا عِندَ رَبِّي لاَ يُجَلِّيهَا لِوَقْتِهَا إِلاَّ هُوَ ثَقُلَتْ فِي السَّمَاوَاتِ وَالأَرْضِ لاَ تَأْتِيكُمْ إِلاَّ بَغْتَةً يَسْأَلُونَكَ كَأَنَّكَ حَفِيٌّ عَنْهَا قُلْ إِنَّمَا عِلْمُهَا عِندَ اللّهِ وَلَكِنَّ أَكْثَرَ النَّاسِ لاَ يَعْلَمُونَ ﴿۱۸۷

( 187 )   (ئه‌ی محمد پرسیارت لێده‌که‌ن ده‌رباره‌ی قیامه‌ت: که‌ی به‌رپا ده‌بێت؟ پێیان بڵێ: به‌ڕاستی زانینی کاتی به‌رپا بوونی هه‌ر لای په‌روه‌ردگارمه‌، له‌کاتێکدا که‌س له سات و کاتی خۆیدا ده‌ری ناخات و به‌رپای ناکات زاتی په‌روه‌ردگار نه‌بێت، به‌رپا بوونی قیامه‌ت زۆر گرانه و زۆر ده‌که‌وێت له‌سه‌ر دانیشتوانی ئاسمانه‌کان و زه‌وی (چونکه شیرازه‌ی هه‌مووی تێکده‌چێت و لێکهه‌ڵده‌وه‌شێت) ڕۆژی قیامه‌ت به‌رپا نابێت کوتوپڕ نه‌بێت، له پڕ یه‌خه‌تان پێده‌گرێت، وا پرسیارت لێده‌که‌ن هه‌ر وه‌ک تۆ زۆر عه‌وداڵی زانینی هاتنی ڕۆژی قیامه‌ت بیت و پرسیاری زۆرت له باره‌یه‌وه کردبێت!! پێیان بڵێ: به‌ڕاستی زانینی به‌رپا بوونی قیامه‌ت ته‌نها لای خوایه‌، به‌ڵام زۆربه‌ی خه‌ڵکیش (ئه‌مه‌) نازانن.

لە سورەتی یۆسف ئایەی ١٠٧ الساعە بە نیشانەی رۆژی قیامەت هاتووە:

أَفَأَمِنُواْ أَن تَأْتِيَهُمْ غَاشِيَةٌ مِّنْ عَذَابِ اللّهِ أَوْ تَأْتِيَهُمُ السَّاعَةُ بَغْتَةً وَهُمْ لاَ يَشْعُرُونَ ﴿۱۰۷

   ئایا ئه‌وانه له‌وه ئه‌مینن و ناترسن که سزایه‌کی خوایی هه‌موویان بگرێته‌وه و (له‌ناویان به‌رێت)، یاخود کوتوپڕ قیامه‌ت به‌رپا ببێت له کاتێکدا ئه‌وان هه‌ست به‌نزیکی به‌رپابوونی نه‌که‌ن.( 107 )

 

بۆ ئەوەی بابەتەکە درێژ نەبێتە خۆتان دەتوانن سەیری سورەی الحجر ئایەی ٨٥ و النحل ٧٧ و مریم ٧٥ و الحج ٥٥ و الروم ١٤ و غافر ٤٦ و الشوری ١٧ و الزخرف ٨٥ و النازعات ٤٢ و محمد ١٨

و ئەگەر سەرنج بدەن لە ئایەتی هەمان سورە مەبەستی سورەتی القمر بە روونی باسی وشەی الساعەی کردوە:

بَلِ السَّاعَةُ مَوْعِدُهُمْ وَالسَّاعَةُ أَدْهَى وَأَمَرُّ ﴿۴۶

( 46 )   جگه‌له‌وه‌ش قیامه‌ت کاتی لێ پرسینه‌وه‌یانه‌، که‌رۆژێکی زۆر سه‌ختترو تاڵ تره‌

هەر بەم پێیە و لە سەر ئەساسی قسەکانی قورعان مەبەست لە وشەی الساعە قیامەتە و نە سەردەمی مەحەمەد کەوابوو هیچ پەیوەندێکی بە سەردەمی مەحەمەدەوە نییە

٦-ناروون بوونی فاعیلی"بکەر" کەسێک کە کردەوەیەک دەکات"کنندە کار" رەستەکە: لە یایەتی یەکی سورەی قەمەر"القمر" ناوێک لە مەحەمد نەبراوە یەعنی کردەوەی شق القمر بە روونی بە مەحەمەدەوە نەلکاوە  بە چ هۆکارێک دبێ بڵێین کە مەحەمەد ئەم کارەی کردوە لە کاتێکدا باس لە فاعیلی کارەکە نەکراوە… هەر بۆیە ناتوانین لە سەر ئەساسی ئەم دوو ئایە بڵێین: کە مەحەمەد مانگی کردوە بە دوو کەرتەوە  چوون لە رەدی ئەم دوو ئایەتە گەلێک ئایەتی تر هاتووە کە بە چەن نمونەیەک لە سەرەوە ئیشارەتم پێداوە.

٧- نەبوونی شاهید"بینەر"ی ئەو کردەوە: هەتا بە ئەم ڕۆ هیچ بەڵگەیەکی زانستی و مێژووی باوەڕ پێکراوە لە سەر ئەوە نییە کە ١٤٠٠ ساڵ لەوە پێش مانگ بووبێت بە دوولەتەوە، و ئەم قسانەیش تەنیا لە لاییەن کۆمەڵێک حەدیپ و رەوایتەوە هاتووە کە تەنیا موسڵمانان باسی لێ دەکەن و یان مێژوو نووسینێک کە خوودی ئیسلام باسی لێ دەکەن و ئەم جۆرە چیرۆکانە تەنیا دروستکراوی مێشکی موسڵمانانە و کە لە دوای مەرگی مەحەمەد بڵاوەی کردەوە  و زۆر موعجیز و زۆر چیرۆکی تریان بە ناوی مەحەمەدەوە بڵاو کردوە .

سەیرکردنی دووکەرت بوونی مانگ، لانیکەم نیوەی خەڵکی سەرزەوی دەتوانێ بینەری بێت - بەڵام هیچ کام لە قەوم و شوێنەکانی تر باسیان لە شتێکی لەو بابەتە نەکردوە  لە کاتێکدا هەر لە سەردەمی مەحەمەد و پێش لە مەحەمەدیش لە زۆر وڵات وەک چین و یۆنان و کاهینەکانی میسر چاویان بەردەوام لە ئاسمان بووە و ئەگەر شتی وایان ببینیبایە بە دڵنیایەوە دەیانکرد بە راپۆرت و ئیستە لە بەردەست زۆربەی خوێنەراندا دەبوو..

زۆر لێکوڵەوەرانی ئیسلامی لە وڵامی ئەمەدا دەلێن: نیوەی زەوی لەو کاتەدا خەوتون و ئاگایان لەوە نەبوو و ئەو نیوەکەی تر سەیری ئاسمانیان نەکردوە و سەریان لە ژێرەوە بووە …و شتی زۆر بێ ئەساس کە لە عەقڵدا بە هیچ شێوە و کلۆجێک ناگونجێ.

٨- نەبوونی هیچ ئاسەوارێک: بە پێی زانست ئەگەر شتێکی وا سەیر و سەمەرە روو بدات کاردانەوەی فیزیکی زۆری لێ دەکەویتە بۆ نموونە دووکەرت بوونی مانگ دەبێ بە هۆکاری تێکچوونی بازنەی سوڕانەوەی مانگ بە دەور زەویدا و ئەم کردەوە دەبێتە هۆی هاتنی مانگ بەرەو زەوی و تێکچوون و تەفروتونا بوونی زەوی.

بەداخەوە کۆمەڵێک خەڵکی ناتێگەیشتووی بەخێر ناپێگەیشتووی دینی لە هەوڵدان تا بە هموو شێوەیەک مەسەلەی دووکەرت بوونی مانگ بەرگی زانستی بکەن بە بەریدا و دەستیان کردوە بە بڵاوکردنەوەی شایعە  کە نمونەکانی لە دونیای ئینتێرنتدا زۆرن..وەک:

باسکردن لە دووکەرت بوونی مانگ لە لاییەن ناسا"وە کە ناسا ئاگای لە شتی وا نییە و باسی لە شتی وا نەکردوە و هیچ سەند و بەڵگەیەکی وای نەخستوەتە روو تا ئەوە بسئەلمێنێ.

ئەم شایعانە هیچ شتێکی زانستی لە پشت نییە و کۆمەڵێک قسەی پڕۆپوچن

لە درێژەی ئەم شایعەیدا باس لە دوکتور[دیوید پید کۆک[ دەکەن [بەرپرسی حیزبی ئیسلامی لە بەریتانیا] کە دەڵێن: دوکتور دیوید پید پوک ئیشارەی بەوە داوە کە گوایە سێ کەس لە لاییەن ئاپۆلۆی ١٠کە چووبونە سەر مانگ جەختیان لە سەر ئەوە کردوە کە لە مانگ قڵیشێک ناوقەدی هەموو مانگی گرتوەتەوە کە هەموو مانگی کردوە بە دوو کەرتەوە و ئەم قڵیشەیان بە لکاندنەوەی مانگ ناوبردوە کە گوایە مانگ پێشتر بووە بە دوو لەتەوە و دیسان بووەتەوە بە یەک و لە سەر ئەم قسانەیش وێنەیەکیان بڵاو کردوەتەوە کە دەڵێن لە لاییەن ئاپۆلۆ ی ١٠ گیراوە

بەڵام بە پەیوەندی گرتن بە دوکتور دیوید موسی پیدکوک ریسی حیزبی ئیسلامی بەریتانیا ئەم قسانەی بە شایعە زانی و گوتی: هەموو ئەم قسانە بە دەم منەوە هەڵبەستراوە و پەیوەندی بە منەوە نییە

تێبینی هەرکەسیش گومانی هەیە دەتوانێ خۆی پەیوەندی بە دوکتور دیوید موسی پیدکوکەوە بکات ئەمەیش ئیمیلەکەی  [email protected]

 

ئەمیش لاپەڕەی تایبەت بە  دوکتور پیدکوک>

http://www.islamicparty.com/people/david.htm

 

ئەمەیش لاپەڕەی ناردنی پرسیار بۆ پیدکۆک:

http://www.islamicparty.com/feedback.htm

ئەمەیش ئەو لاپەڕە کە پرسیار لە پیدکوک کراوە و ئەوەیش ئەو شتانەی بە شایعە زانییوە

http://www.mail-archive.com/islamcit.../msg02010.html

 

 

296735_280244868671720_728162016_n.jpg ¬

ڕێکه‌وتی بڵاوکردنه‌وه 2013-06-28 12:27:00
به‌شی ( وتار/بابه‌ت ) ئاماده‌کرد ( ئاڵا وشیار )



لە, ئایەتی, یەکەم, و, دووهەمی, سورەی, قەمەر, بەم, شێوە, دەڵێاقْتَرَبَتِ, السَّاعَةُ, وَانشَقَّ, الْقَمَرُ, ۱ئاڵا, وشیارئاڵا, وشیار, هەشت, بەڵگە, بۆ, رەتکردنەوەی, دووکه‌رتبوونی, مانگه‌که‌ی, موحه‌ممه‌د, شق, القمر Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا