قورئان و نێربازی

 

 
چیرۆکێکی دیکه‌ی مێژوویی به‌ناوبانگ له‌ قورئاندا هه‌یه‌ ئه‌ویش سه‌باره‌ت به‌ دیارده‌ی نێربازیه‌. له‌چه‌ندین ئایه‌تدا ئاماژه‌ به‌وه‌ کراوه‌ که‌: نه‌ته‌وه‌یه‌ک هه‌بوون نێره‌کانیان راهاتبوون له‌ کونی دواوه‌ سێکس له‌گه‌ڵ هه‌موو که‌سێکدا بکه‌ن. جگه‌ له‌ناو خۆیاندا ئه‌م نه‌رێته‌ بوو بووه‌ کارێکی ئاسایی ڕۆژانه‌یان هه‌روه‌ها هه‌ر میوان یاخود رێبوارێک رووی له‌ شاره‌که‌یان بکردایه‌ خۆیان پێ ده‌گه‌یاندو کاری نێربازییان له‌گه‌ڵ ئه‌نجام ده‌دا. که‌سێکیش وه‌ک په‌یامبه‌رێک، بۆ سڕینه‌وه‌ی دیارده‌ی نێربازی و بلآوبوونه‌وه‌ی ئایینه‌که‌ی، له‌ناو ئه‌م نه‌ته‌وه‌یه‌دا سه‌ریهه‌ڵداوه‌، ئه‌و که‌سه‌ش ناوی (ڵووت)ـه‌. له‌زۆر ئایه‌تدا باسی ئه‌م که‌سه‌و کێشه‌ی نێربازیه‌که‌ کراوه‌، ئێمه‌ به‌هۆی ڕێکخستنی چه‌ند ئایه‌تێکه‌وه‌ هه‌وڵ ده‌ده‌ین چیرۆکی بنه‌ڕه‌تیی ئه‌م ڵووته‌ باس بکه‌ین:
(وَلَمَّا جَاءَتْ رُسُلُنَا لُوطًا سِيءَ بِهِمْ وَضَاقَ بِهِمْ ذَرْعًا وَقَالَ هَذَا يَوْمٌ عَصِيبٌ). (قَالَ إِنَّكُمْ قَوْمٌ مُنْكَرُونَ). (وَجَاء أَهْلُ الْمَدِينَةِ يَسْتَبْشِرُونَ). (وَجَاءَهُ قَوْمُهُ يُهْرَعُونَ إِلَيْهِ وَمِنْ قَبْلُ كَانُوا يَعْمَلُونَ السَّيِّئَاتِ قَالَ يَا قَوْمِ هَؤُلَاءِ بَنَاتِي هُنَّ أَطْهَرُ لَكُمْ فَاتَّقُوا اللَّهَ وَلَا تُخْزُونِ فِي ضَيْفِي أَلَيْسَ مِنْكُمْ رَجُلٌ رَشِيدٌ. قَالُوا لَقَدْ عَلِمْتَ مَا لَنَا فِي بَنَاتِكَ مِنْ حَقّ وَإِنَّكَ لَتَعْلَمُ مَا نُرِيدُ. قَالَ لَوْ أَنَّ لِي بِكُمْ قُوَّةً أَوْ آَوِي إِلَى رُكْنٍ شَدِيدٍ). (أَتَأْتُونَ الذُّكْرَانَ مِنَ الْعَالَمِينَ. وَتَذَرُونَ مَا خَلَقَ لَكُمْ رَبُّكُمْ مِنْ أَزْوَاجِكُمْ بَلْ أَنْتُمْ قَوْمٌ عَادُونَ. قَالُوا لَئِنْ لَمْ تَنْتَهِ يَا لُوطُ لَتَكُونَنَّ مِنَ الْمُخْرَجِينَ). (رَبِّ نَجِّنِي وَأَهْلِي مِمَّا يَعْمَلُونَ). (قَالُوا يَا لُوطُ إِنَّا رُسُلُ رَبِّكَ لَنْ يَصِلُوا إِلَيْكَ فَأَسْرِ بِأَهْلِكَ بِقِطْعٍ مِنَ اللَّيْلِ وَلَا يَلْتَفِتْ مِنْكُمْ أَحَدٌ إِلَّا امْرَأَتَكَ إِنَّهُ مُصِيبُهَا مَا أَصَابَهُمْ إِنَّ مَوْعِدَهُمُ الصُّبْحُ أَلَيْسَ الصُّبْحُ بِقَرِيبٍ). (فَأَنْجَيْنَاهُ وَأَهْلَهُ إِلَّا امْرَأَتَهُ قَدَّرْنَاهَا مِنَ الْغَابِرِينَ). (فَلَمَّا جَاءَ أَمْرُنَا جَعَلْنَا عَالِيَهَا سَافِلَهَا وَأَمْطَرْنَا عَلَيْهَا حِجَارَةً مِنْ سِجِّيلٍ مَنْضُودٍ). (ثُمَّ دَمَّرْنَا الْآَخَرِينَ). (اِمْرَأَةَ نُوحٍ وَامْرَأَةَ لُوطٍ كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ فَخَانَتَاهُمَا فَلَمْ يُغْنِيَا عَنْهُمَا مِنَ اللَّهِ شَيْئًا وَقِيلَ ادْخُلَا النَّارَ مَعَ الدَّاخِلِينَ).[1]
کاتێک نێردراوه‌که‌مان گه‌یشتنه‌ لای ڵووت، (بوونه‌ میوانی) ئه‌و (ڵووت) دڵته‌نگ بوو (چونکه‌ چه‌ند لاوێکی جوان بوون، ئه‌مه‌ش بۆ نه‌ته‌وه‌ نێربازه‌که‌ی کێشه‌ی دروست ده‌کرد) (ڵووت) وتی: ئه‌مڕۆ رۆژێکی سه‌خته‌ منی تێکه‌وتووم. (ڵووت میوانه‌کانی نه‌ناسی، پێی وتن) ئێوه‌ که‌سانێکی نه‌ناسراوو دیارن (ئینجا) خه‌ڵکی شاره‌که‌ هاتن و (له‌ خۆشی هاتنی چه‌ند لاوێکی جوان) مژده‌یان به‌یه‌کتر ده‌دا. به‌هه‌ڵه‌داوان خۆیان گه‌یانده‌ لای لاوه‌کان (له‌ ماڵه‌که‌ی ڵووت، بۆ ئه‌وه‌ی کاری نێربازییان له‌گه‌ڵ بکه‌ن، ئه‌م نه‌ته‌وه‌یه‌) پێشتریش هه‌ر خراپه‌کار بوون، (ڵووت) پێی وتن: ئه‌ی نه‌ته‌وه‌که‌م ئه‌وه‌ کچه‌کانم بۆ ئێوه‌ ئاماده‌ن، بۆ ئێوه‌ زۆر پاکترن (به‌ڵام) له‌ خوا بترسن (ده‌ست بۆ ئه‌مانه‌ مه‌به‌ن و) شه‌رمه‌زاری ئه‌م میوانانه‌م مه‌که‌ن، ئه‌وه‌ پیاوێکی ره‌فتارباشتان تێدا نییه‌ رێگریتان بکات.؟ ئه‌وانیش وتیان: خۆت باشت زانیوه‌ ئێمه‌ هیچ کارێکمان به‌ کچه‌کانت نییه‌، باشیش ده‌زانیت چیمان ده‌وێت. ڵووتیش وتی: خۆزگه‌ هێزێک یان په‌نایه‌کی باشم هه‌بووایه‌و رێگریم لێ بکردنایه‌. ئه‌وه‌ بۆ ئێوه‌ له‌ناو ئه‌و هه‌موو خه‌ڵکه‌دا په‌لاماری (نێر)ه‌کان ده‌ده‌ن، له‌ولاشه‌وه‌ وازتان له‌ ژنه‌کانتان هێناوه‌ که‌ خوا بۆی دروست کردوون، ئێوه‌ هۆزێکی بێ ئه‌ندازه‌ لاده‌رن. نه‌ته‌وه‌که‌ی به‌ ڵووتیان وت: ئه‌گه‌ر بێده‌نگ نه‌بی شاربه‌ده‌رت ده‌که‌ین. (ڵووت له‌ خوا پاڕایه‌وه‌و) وتی: په‌روه‌ردگارا، له‌و کارانه‌ی ئه‌وان ده‌یکه‌ن، خۆم و که‌سوکارم رزگارکه‌. میوانه‌کانیش (خۆیان له‌ ڵووت ئاشکرا کردو) وتیان: ئه‌ی ڵووت ئێمه‌ نێردراوی خوای تۆین (مه‌ترسه‌) ده‌ستی ئه‌وانه‌ (نێربازه‌کان) پێت ناگه‌ن، خۆت و خێزانه‌که‌ت، له‌ کاتی شه‌ودا، بکه‌ونه‌ڕێ، که‌ستان ئاوڕی دواوه‌ نه‌داته‌وه‌. ژنه‌که‌ت نه‌بێت، چونکه‌ هه‌رچی تووشی ئه‌وان دێت تووشی ژنه‌که‌ی تۆش ده‌بێت، کاته‌که‌شیان (بۆ له‌ناوبردنی نه‌ته‌وه‌که‌ت) به‌ره‌به‌یانه‌، ئاخۆ به‌ره‌به‌یان نزیک نییه‌.!؟ (خێراکه‌). (به‌م شێوه‌یه‌) ڵووت و خێزانه‌که‌یمان ڕزگار کرد، ژنه‌که‌ی نه‌بێت که‌ بڕیارمان دابوو له‌ پاشماوه‌ تیاچووه‌کان بێت. که‌ فه‌رمانی ئێمه‌ گه‌یشته‌ شوێنی خۆی، ئه‌و ناوچه‌یه‌مان ژێراوژوور کرد، به‌ یه‌ک تاو[2] به‌ قوڕی سووره‌وه‌کراوی که‌ڵه‌که‌کراو، وه‌ک باران به‌سه‌ریاندا باراندمان. ئیتر قڕمان خسته‌ ئه‌وانی دیکه‌وه‌. (ژنه‌که‌ی ڵووتیش له‌ تیاچووه‌کان بوو، چونکه‌) ژنه‌که‌ی نوح و ژنه‌که‌ی ڵووت، دوو ژنی دوو په‌یامبه‌ری چاکی ئێمه‌ بوون، خیانه‌تیان له‌ مێرده‌کانیان کرد، بۆیه‌ مێرده‌کانیان فریایان نه‌که‌وتن و نه‌یانتوانی لای خوا شتێکیان بۆ بکه‌ن، (به‌و دوو ژنه‌) وترا: له‌گه‌ڵ ئه‌وانی تردا (له‌گه‌ڵ خراپه‌کاران) بڕۆنه‌ ناو ئاگره‌وه‌.
 ئه‌گه‌ر به‌ وردی ئایه‌ته‌کان بخوێنینه‌وه‌، ده‌گه‌ینه‌ ئه‌و ئه‌نجامه‌ی که‌ ڵووت ته‌سلیمی ئه‌و واقیعه‌ نه‌بوو که‌نه‌ته‌وه‌که‌ی تێیدا ده‌ژیان، به‌ڵام له‌په‌یامی دینه‌که‌یدا سه‌رکه‌وتوو نه‌بوو. ئه‌وه‌نده‌ نه‌شاره‌زا بوو به‌کلتورو واقعی کۆمه‌ڵگاکه‌ی خۆی نه‌ک هه‌ر نه‌یتوانی ئایینه‌که‌ی خۆی بلآوبکاته‌وه‌و دیارده‌ی نێربازی بنه‌بڕ بکات به‌ڵکو ژنه‌که‌شی له‌ده‌ست چوو، چونکه‌ خیانه‌تی له‌ ڵووتی مێردی کردبوو، فێری هه‌مان ڕه‌وشتی کۆمه‌ڵگاکه‌ی بوو بوو.
لێره‌داو به‌م ئایه‌تانه‌ بۆمان ده‌رده‌که‌وێت که‌موحه‌ممه‌د له‌ قۆناغی مه‌ککه‌دا دیارده‌ی نێربازی کارێکی ته‌واو ناشرین و خراپ و حه‌رام بووه‌. ده‌بێت دان بنێین به‌و ڕاستیه‌دا که‌له‌ مێژووی ئیسلامدا هیچ سه‌رگوزشته‌یه‌ک نه‌نووسراوه‌ پێچه‌وانه‌ی ئه‌م بۆچوونه‌مان بێت. ئه‌گه‌رچی که‌سێکی زۆر سێکسی بووه‌ که‌دواتر به‌وردی باسی لێوه‌ ده‌که‌ین به‌ڵام به‌ هیچ شێوه‌یه‌ک نزیکی نێربازی نه‌بۆته‌وه‌.
به‌ڵام ئه‌وه‌ی جێی وردبینی و سه‌رسوڕمان بێت ئه‌وه‌یه‌ که‌ له‌ قورئاندا چه‌ندین ئایه‌ت هه‌ن باسی دیارده‌ی نێربازی ده‌که‌ن له‌ به‌هه‌شتدا. قورئان مژده‌ ده‌دات به‌و که‌سانه‌ی که‌ له‌م ژیانه‌یاندا بڕوایان به‌ خوای ئیسلام کردووه‌و ملکه‌چی فه‌رمانه‌کانی بوون ئه‌وه‌ له‌ به‌هه‌شتدا کۆمه‌ڵێک مێردمنداڵ و لوسکه‌له‌یان پێ ده‌به‌خشێت:
(يَطُوفُ عَلَيْهِمْ وِلْدَانٌ مُخَلَّدُونَ. بِأَكْوَابٍ وَأَبَارِيقَ وَكَأْسٍ مِنْ مَعِينٍ. لَا يُصَدَّعُونَ عَنْهَا وَلَا يُنْزِفُونَ). (جَزَاءَ بِمَا كانُوا يَعْمَلُونَ).[3]
تازه‌(لاو)انێک که‌ هه‌میشه‌ له‌جوانی و لوسکه‌له‌ییدا ده‌مێننه‌وه‌، به‌ده‌وری پیاوه‌ به‌هه‌شتییه‌کاندا ده‌خولێنه‌وه‌. به‌کوپ و دۆلکه‌و پیاڵه‌وه‌، له‌په‌رداخی تایبه‌تدا مه‌شروب ده‌خۆنه‌وه‌. ئه‌و مه‌شروبانه‌ش نه‌ سه‌ر دێننه‌ ئێش و نه‌که‌س له‌هۆش ده‌به‌ن. (ئه‌م به‌خشین و رابواردنه‌ خۆشانه‌) له‌ پاداشتی کاره‌ چاکه‌کانی ئه‌و پیاوانه‌یه‌ له‌ ژیانی دونیایاندا کردوویانه‌.
ته‌نها ئه‌م ئایه‌تانه‌ له‌ قورئاندا نین به‌ڵکو ئایه‌تی تریش هه‌ن باسی ئه‌م کوڕه‌ لوسکه‌لانه‌ ده‌که‌ن. بۆ نموونه‌ له‌ سوره‌تی طور نوسراوه‌:
وَيَطُوفُ عَلَيْهِمْ غِلْمَانٌ لَهُمْ كَأَنَّهُمْ لُؤْلُؤٌ مَكْنُونٌ.[4]
هه‌روه‌ها مێردمندالآنی لوسکه‌له‌و جوان، هه‌ر ده‌ڵێی مرواری پاک و بێگه‌ردن، به‌ده‌وری پیاوه‌کاندا ده‌سوڕێنه‌وه‌.
هه‌روه‌ها له‌ سوره‌تی الانساندا نوسراوه‌:
وَيَطُوفُ عَلَيْهِمْ وِلْدَانٌ مُخَلَّدُونَ إِذَا رَأَيْتَهُمْ حَسِبْتَهُمْ لُؤْلُؤًا مَنْثُورًا.[5]
تازه‌(لاو)انێک به‌ ده‌وریاندا ده‌خولێنه‌وه‌ که‌ هه‌میشه‌ له‌جوانی و لوسکه‌له‌ییدا ده‌مێننه‌وه‌، که‌ ده‌یانبینیت، واده‌زانیت مروارین و به‌و ناوه‌دا پرژێنراون.
بێگومان دیارده‌ی نێربازی جۆرێکه‌ له‌ جۆره‌کانی کرده‌ی سێکس. له‌ هه‌موو کۆمه‌ڵگه‌و ناوچه‌یه‌کدا په‌یڕه‌و کراوه‌. نه‌ته‌وه‌ی عه‌ره‌بیش وه‌ک هه‌موو نه‌ته‌وه‌کانی تر نێربازییان کردووه‌. هه‌بوونی ئه‌م ئایه‌تانه‌ش به‌ ئاگابوونی عه‌ره‌به‌ موسڵمانه‌کانی ئه‌و سه‌رده‌مه‌مان له‌م جۆره‌ سێکسه‌ نیشان ده‌دات. بۆیه‌ موحه‌ممه‌د، له‌کاریگه‌ری هه‌بوونی ئه‌م ڕه‌وشته‌یان خرۆش و له‌زه‌تی نێربازی و کوڕی لوسکه‌له‌یان بۆ باس کردوون و مژده‌ی خرۆشاوی له‌زه‌تی سێکسی کوڕی لوسکه‌له‌و جوان به‌صه‌حابه‌کانی به‌خشیوه‌.
هۆکاری هه‌بوونی لوسکه‌له‌و مێردمنداڵ له‌به‌هه‌شتدا، (مێردمنداڵی نه‌مر، مخلد، خالد، نه‌مر، هه‌میشه‌ به‌ لوسکه‌له‌یی و مێردمنداڵی بمێننه‌وه‌) په‌یوه‌ندییان به‌ به‌ستنه‌وه‌ی گرێ قوڵه‌ ده‌روونیه‌کانی نێربازه‌وه‌ هه‌یه‌. له‌ ئایه‌ته‌که‌دا نوسراوه‌ (مێردمنداڵ و لاوانی لوسکه‌له‌ که‌ نۆکه‌رو خزمه‌تکاری پیاوانی به‌هه‌شتین، مه‌شروبیان پێشکه‌ش ده‌که‌ن و به‌چوارده‌وریاندا ده‌خولینه‌وه‌و هه‌میشه‌ له‌خزمه‌تدان) چه‌مکی خزمه‌تکردنیش واتاو ده‌لاله‌تی خۆی هه‌یه‌. خزمه‌ت ته‌نها به‌ مانا رووکه‌شه‌که‌یه‌وه‌ ناوه‌ستێت. له‌ش به‌شێکه‌ له‌خزمه‌ت پێکردن. باسکردنی لاوانی به‌هه‌شت و وه‌سفکردنیان به‌مێردمنداڵ، لاو، لوسکه‌له‌، جگه‌ له‌ سیناریۆیه‌ک بۆ خرۆشاندنی سێکسی نێربازه‌کان هیچی دیکه‌ نییه‌و هیچ مانایه‌کی تر هه‌ڵناگرێت، چه‌ندجاریش ده‌ستیان لێبدرێت (مخَلّدُونَ) به‌هه‌میشه‌یی وه‌ک خۆیان ده‌مێننه‌وه‌، ئه‌مه‌ش وێناکردنی هزرو بیرکردنه‌وه‌ی نێربازه‌کانه‌ به‌هه‌مان شێوه‌ی مێ بازه‌کان که‌ په‌ریی چاوبه‌ڵه‌کیان بۆ ئاماده‌کراوه‌.! وه‌ک له‌ سوره‌تی واقیعه‌٣٦/٣٧ نوسراوه‌: (فَجَعَلْنَاهُنَّ أَبْكَارًا.عُرُبًا أَتْرَابًا) په‌رییه‌کان هه‌میشه‌ کیژن (چه‌ندجار بکرێن به‌ژن، دوایی ده‌بنه‌وه‌ به‌ کیژۆڵه‌) ئه‌ویندارن و هه‌میشه‌ له‌ته‌مه‌نێکی دیاریکراودا ده‌مێننه‌وه‌ (گه‌وره‌و پیر نابن). نێربازه‌کانیش کوتومت وه‌ک مێبازه‌کان له‌و خۆشییانه‌یان بۆ ئاماده‌کردوون که‌ له‌ ژیانی یه‌که‌میاندا حه‌زیان لێ کردووه‌. خزمه‌تکردن و نۆکه‌ری و تێرکردنی خاوه‌ندار، له‌لایه‌ن لوسکه‌له‌و مێردمنداڵه‌کانه‌وه‌ له‌م دونیادا، جارێکی دی هه‌مان شێوه‌ی ئه‌و خزمه‌تکردن و نۆکه‌ری و تێرکردنی خاوه‌نداره‌کان له‌به‌هه‌شتدا دووباره‌ ده‌بێته‌وه‌. هه‌مان ئه‌و ره‌وشتانه‌ دووباره‌ ده‌که‌نه‌وه‌ که‌ له‌ دونیادا کردویانه‌. ئه‌مه‌ش یه‌کێکه‌ له‌و دیارییانه‌ی که‌ خوا به‌ پیاوه‌ به‌هه‌شییه‌کانی ده‌به‌خشێت، (جَزَاءَ بِمَا كانُوا يَعْمَلُونَ).[6] له‌ پاداشتی کاره‌ چاکه‌کانی ئه‌و پیاوانه‌یه‌ له‌ ژیانی دونیایاندا کردوویانه‌.
بۆ زیاتر خرۆشاندنی نێربازه‌کان ئیمامی عه‌قیلی وتویه‌تی: ئیماندارانی به‌هه‌شت توانایان به‌سه‌ر هه‌زار لوسکه‌له‌دا هه‌یه‌.[7] (يحى بن اكثم)یش که‌ به‌ که‌سێکی نێرباز ناسراو بوو، وتویه‌تی (سوپاس بۆ خوای په‌روه‌ردگار که‌ئێمه‌ی له‌بیر نه‌چووه‌، له‌به‌هه‌شتدا مێرد منداڵ و لوسکه‌له‌ی بۆ داناوین، پله‌و پایه‌یان له‌که‌نیزه‌ک زیاتر پێبه‌خشراوه‌. خۆزگه‌ هه‌ر ئێسته‌ گیانم ده‌رده‌چوو به‌به‌هه‌شتی به‌رین شاد ده‌بووم).[8]

تکایه‌ بڕواننه‌ کۆتایی قسه‌کانی ئه‌م موسڵمانه‌ که‌ له‌کاتی جیهاددا چی کردووه‌


لێره‌دا ئه‌و پرسیارانه‌ دێنه‌ پێشه‌وه‌ که‌ له‌م ئایه‌تانه‌وه‌ سه‌رچاوه‌یان گرتووه‌: ئه‌گه‌ر نێربازی له‌ ئیسلامدا دیارده‌یه‌کی بێزراوه‌ بۆچی به‌شێکه‌ له‌ خۆشییه‌کانی به‌هه‌شت.؟ ئه‌گه‌ر نا ئه‌ی مه‌به‌ست چییه‌ له‌وه‌ی نێربازه‌کان به‌ کوڕه‌لاوی لوس و جوان ده‌خرۆشێنێت.؟
پرسیارێکی دی: زۆرینه‌ی قه‌ومه‌که‌ی ڵووت تاوانی نێربازییان نه‌کردووه‌، چونکه‌ زۆرینه‌ی کۆمه‌ڵگاکان له‌ ژن و منداڵ پێکهاتوون، به‌ڵام کاتێک که‌ خوا سزای نێربازه‌کانی نه‌ته‌وه‌ی ڵووتی داوه‌ سزاکه‌ به‌سه‌ر هه‌موو دانیشتوانی شاره‌که‌دا جێبه‌جێ کردووه‌، تاوانباران و بێتاوانه‌کان، به‌ منداڵه‌کانیشیانه‌وه‌. له‌کاتێکدا منداڵه‌کانیان، نه‌ک هه‌ر نێرباز نه‌بوون، به‌ڵکو هیچیان ده‌رباره‌ی موماره‌سه‌ی سێکسیش نه‌زانیوه‌.! ئایا ده‌کرێت ئه‌م سزایه‌ به‌سزایه‌کی لۆژیکی و دادپه‌روه‌رانه‌ی بزانین.؟
ئێستا له‌ جیهاندا رێژه‌ی نێربازه‌کان زۆر له‌وانه‌ زیاتره‌ که‌ له‌و سه‌رده‌مه‌ کۆنه‌داو له‌ ناوچه‌یه‌کی بچوکدا هه‌بوون، بۆچی خوا سزای ئه‌م نێربازانه‌ نادات، له‌کاتێکدا به‌ئاشکرا به‌ شارو گونده‌ ئاوه‌دانه‌کاندا بڵاوبوونه‌ته‌وه‌.؟ ئه‌مه‌ له‌ کاتێکدا ته‌نها به‌ نێربازیوه‌ نه‌گیرساوه‌ته‌وه‌ به‌ڵکو دووده‌گیش زۆربووه‌، سه‌ڕای ئه‌مانه‌ش ژن و ژنیش بوونه‌ته‌ دۆست.! له‌ ناویشیاندا پیاوانی ئایینیش هه‌ن و له‌کاتی نێربازیدا له‌ناو کڵێساو مزگه‌وته‌کاندا ده‌ستگیر کراون، بۆچی خوا وه‌ک قه‌ومی ڵووت سزایان نادات.؟ ئه‌گه‌ر خوا ئارامده‌گری و شت پشتگوێ ناخات بۆ خوا له‌سه‌ر قه‌ومه‌که‌ی ڵووت ئارامینه‌گرت و ئه‌و هه‌موو ژن و منداڵه‌ی کوشت که‌ هیچ خه‌تایه‌کیان نه‌بوو.؟
به‌پێی ئه‌و مژدانه‌ی که‌ خوای ئیسلام به‌ پیاوی موسڵمانی به‌خشیوه‌، هه‌موو به‌هه‌شتیه‌کان له‌ خۆشیدان، که‌چی به‌ به‌ڵگه‌ی هه‌مان ئایه‌ته‌کان، توێژێکی نۆکه‌رو هه‌میشه‌ ئاماده‌باش بۆ سێکس له‌ به‌هه‌شتدا هه‌ن، به‌ به‌رده‌وامی و به‌ نه‌مری، وه‌ک کۆیله‌و خزمه‌تکار له‌ به‌هه‌شتدا ده‌مێننه‌وه‌و هه‌تا هه‌تایه‌ خزمه‌تی موسڵمانه‌ دووده‌گی و هه‌وه‌سبازه‌ نێربازه‌کان ده‌که‌ن. ئه‌ی ئه‌م کوڕه‌ لوسکه‌لانه‌ کێن و بۆ له‌خۆشییه‌کانی به‌هه‌شت ناچێژن.؟ ئایا دژه‌وانه‌یه‌ک له‌ نێو ئایه‌ته‌کانی قورئاندا نابینینه‌وه‌.؟


[1] به‌پێی ریزبه‌ندنیان بڕوانه‌ ئه‌م ئایه‌تانه‌: هود ٧٧ الحجر ٦٢/ ٦٧/ هود ٧٨/ ٧٩/ ٨٠ له‌گه‌ڵ٨١و٨٢ الشعراء ١٦٥-١٦٩ هه‌روه‌ها ١٧٢و١٧٣ النمل٥٧, الصافات١٣٦ التحریم١٠
[2] به‌ یه‌ک تاو، به‌ یه‌ک جار، به‌ خووڕ، نه‌ک تاو تاو وه‌ک بارانی به‌هار، که‌ وه‌ستانی تێدایه‌.
[3] الواقعة17و18و19و24
[4] الطور 24
[5] الانسان 19
[6] الواقعة17-19و 24
[7] العقيلي, شيخ سيف الدين محى الدين العقيلي: الحجاب ص 442
[8] العقيلي, شيخ سيف الدين محى الدين العقيلي: الحجاب ص 444

  

ڕێکه‌وتی بڵاوکردنه‌وه 2012-07-05 18:27:00
به‌شی ( مه‌ریوان هه‌ڵه‌بجه‌یی ) ئاماده‌کرد ( مه‌ریوان هه‌ڵه‌بجه‌یی )



چیرۆکێکی, دیکه‌ی, مێژوویی, به‌ناوبانگ, له‌, قورئاندا, هه‌یه‌, ئه‌ویش, سه‌باره‌ت, به‌, دیارده‌ی, نێربازیه‌, له‌چه‌ندین, ئایه‌تدا, ئاماژه‌, به‌مه‌ریوان, هه‌ڵه‌بجه‌ییقورئان, و, نێربازی Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا