مه‌ریوان هه‌ڵه‌بجه‌یی: حیکایه‌تی یوسف و سیناریۆی سێکس

 

له‌ قورئاندا، به‌ دوورو درێژی، چیرۆکێکی ئه‌فسانه‌یی ده‌رباره‌ی په‌یامبه‌رێک به‌ناوی یوسف باسکراوه‌و به‌ده‌رنه‌بووه‌ له‌ سێکس. قاره‌مانی ئه‌م چیرۆکه‌ (یوسف) وه‌ک له‌ قورئاندا باس کراوه‌، له‌ پاکداوێنیدا وێنه‌ی نییه‌، به‌ڵام دواتر به‌هۆی کێشه‌یه‌که‌وه‌، ده‌گاته‌ کۆشکێک و ماوه‌یه‌ک له‌ژێر سێبه‌ری ده‌سه‌ڵاتی خاوه‌ن ماڵه‌که‌دا، ژیان به‌سه‌ر ده‌بات، تا ڕۆژێک له‌ گرته‌یه‌کدا ژنی ماڵه‌که‌ داوای موماره‌سه‌ی سێکسی لێده‌کات له‌مه‌وه‌ توشی کێشه‌یه‌کی ئابڕومه‌ندانه‌ ده‌بێت. ئایه‌ته‌کانی قورئان به‌م شێوه‌یه‌ باسی ئه‌و ڕووداوه‌مان بۆ ده‌کات:

وَرَاوَدَتْهُ الَّتِي هُوَ فِي بَيْتِهَا عَنْ نَفْسِهِ وَغَلَّقَتِ الْأَبْوَابَ وَقَالَتْ هَيْتَ لَكَ قَالَ مَعَاذَ اللَّهِ إِنَّهُ رَبِّي أَحْسَنَ مَثْوَايَ إِنَّهُ لَا يُفْلِحُ الظَّالِمُونَ. وَلَقَدْ هَمَّتْ بِهِ وَهَمَّ بِهَا لَوْلَا أَنْ رَأَى بُرْهَانَ رَبِّهِ كَذَلِكَ لِنَصْرِفَ عَنْهُ السُّوءَ وَالْفَحْشَاءَ إِنَّهُ مِنْ عِبَادِنَا الْمُخْلَصِينَ.. يوسف 23-24

 ئه‌و ئافره‌ته‌ی که‌ یوسف له‌ماڵیدا بوو، زه‌وقی بۆ یوسف جوڵاو هه‌وڵیدا دڵی یوسف بۆلای خۆی ڕاکێشێت، ده‌رگاکانی داخست و به‌ یوسفی وت: ئاماده‌م بۆت، وه‌ره‌ پێشه‌وه‌. یوسفیش وتی: په‌نا به‌خوا من کاری واناکه‌م، ئه‌و (خاوه‌نی ئه‌م ماڵه‌) ئاغای منه‌، رێزی لێ گرتووم و په‌نایداوم، من ده‌زانم که‌سته‌مکاران رزگاریان نابێت. ژنه‌که‌ لێی نزیک بووه‌وه‌و خۆی بۆ ئه‌و (یوسف) ئاماده‌و واڵا کرد، یوسفیش بۆ ئه‌و (ژنه‌که‌) ئاماده‌و واڵا کرد، گه‌ر به‌ڵگه‌کانی خودای نه‌هاتایه‌ته‌وه‌ بیری ئه‌وه‌ ئه‌و کاره‌ی ئه‌کرد، ئێمه‌ ئاوا فریای به‌نده‌ی خۆمان ده‌که‌وین و له‌کاری خراپه‌و زینا دووری ده‌خه‌ینه‌وه‌، چونکه‌ ئه‌و (یوسف) یه‌کێکه‌ له‌ به‌نده‌ دڵسۆزه‌کانمان.

ئێستا ئێمه‌ باسی ئه‌م ئایه‌ته‌ ده‌که‌ین ڕه‌نگه‌ جێی سه‌رسوڕمانمان بێت که‌ فیلمێکی سێکسی له‌م شێوه‌یه‌ له‌ قورئاندا هه‌یه‌ به‌ڵام ئه‌م فیلمه‌ سێکسییه‌ بۆ ئه‌و سه‌رده‌مه‌ گێڕانه‌وه‌یه‌کی ئاسایی بوو. گێڕانه‌وه‌ی ئه‌م کورته‌ فیلمه‌، بۆ دانیشتوانی نیوه‌دوورگه‌ی عه‌ره‌ب مایه‌ی تێڕامان و لێکدانه‌وه‌ نه‌بوو چونکه‌ ئه‌وان نوقمی کرداری سێکس بووبوون. له‌ نیوه‌ دورگه‌ی عه‌ره‌بدا کێشه‌ی سێکس نه‌بووه‌و دانیشتوانی ئه‌وێ، جگه‌ له‌ ده‌یان ژن و سه‌دان که‌نیزه‌ک، ده‌یان له‌شفرۆشی دیکه‌ له‌ ناوچه‌که‌یاندا هه‌بوون و له‌ خاڵیکردنه‌وه‌ی هه‌وه‌سی سێکسییاندا رێگریان نه‌بووه‌. لای ئه‌وان، توشی ته‌نگوچه‌ڵه‌مه‌ نه‌هاتوون تا به‌ چیرۆکێکی ئه‌فسانه‌یی هه‌ڵوێست له‌ شتێک وه‌رگرن که‌ نه‌زانن چییه‌.

گه‌ر موحه‌ممه‌د ویستبێتی له‌ ڕێگه‌ی ئه‌م چیرۆکه‌وه‌ پاکێتی یوسف له‌ کاری زینادا نیشان بدات، ئه‌وه‌ لای دانیشتوانه‌که‌ به‌ شێوه‌یه‌کی دیکه‌ لێکدراوه‌ته‌وه‌. ناوه‌ڕۆکی چیرۆکه‌که‌ ئه‌وه‌ ده‌رده‌خات که‌ یوسف ئه‌و په‌یامبه‌ره‌ پاکه‌ نه‌بوو که‌ موحه‌ممه‌د باسی ده‌کات، به‌ڵکو یوسف خواستی سێکسکردنی هه‌بووه‌ به‌ڵام (خودا) نه‌یهێشتووه‌. له‌ ئه‌فسانه‌که‌دا به‌ ڕوونی باسی هه‌وه‌س و ئاره‌زووی هه‌ردووکیان بۆ جووتبوونی یه‌کتر کراوه‌. ژنه‌که‌ (هَمَّتْ بِهِ) خۆی بۆ واڵا کردو هاتۆته‌ پێشه‌وه‌، جا په‌لاماری داوه‌، یان باوه‌شی پێدا کردووه‌، یاخود ماچی کردووه‌، نازانرێت چی رووی داوه‌. هه‌روه‌ها یوسفیش به‌ هه‌مان شێوه‌(وَهَمَّ بِهَا) کتومت وه‌ک ژنه‌که‌ خۆی بۆ واڵا کردووه‌و بۆی چووه‌ته‌ پێشه‌وه‌. جا په‌لاماری داوه‌، یان باوه‌شی پێدا کردووه‌، یاخود هه‌ر شتێکی دیکه‌، ئه‌وه‌ش نازانرێت. ڕه‌نگه‌ ته‌نها نزیک بوونه‌وه‌ ڕوویدابێت و هیچی تر. به‌ڵام گرنگه‌که‌ ئه‌وه‌یه‌ که‌ هه‌ردووکیان بۆ یه‌کتر وه‌ک یه‌ک وابوون. ئه‌وه‌ی ئه‌م کرداره‌ سێکسیه‌ ڕاده‌گرێت ئازایه‌تی و پاکداوێنی خودی یوسف نه‌بووه‌ به‌ڵکو کاریگه‌ری خوا بووه‌، چونکه‌ به‌ پێی ئایه‌ته‌که‌ خودا نه‌یهێشتووه‌ یوسف سێکس بکات، كَذَلِكَ لِنَصْرِفَ عَنْهُ السُّوءَ وَالْفَحْشَاءَ) (ئێمه‌ ئاوا فریای به‌نده‌ی خۆمان ده‌که‌وین و له‌کاری خراپه‌و زینا دووری ده‌خه‌ینه‌وه‌.)

ئه‌نجام ڕوونه‌، خودا نه‌بوایه‌ یوسف له‌گه‌ڵ ژنه‌که‌دا رایده‌بوارد. به‌م شیوه‌یه‌و به‌پێی باوه‌ڕی ئایینی، هه‌ر که‌سێک، له‌کاتی کردنی کارێکی خراپه‌دا، خوا فریای بکه‌وێت، که‌س خراپه‌ ناکات. خواش که‌ یارمه‌تی یوسفی داوه‌، له‌به‌ر ئه‌وه‌ بووه‌ که‌یوسف په‌یامبه‌ری خۆی بووه‌و که‌سێکی ئاسایی نه‌بووه‌. هه‌موو خه‌ڵکانیش نابنه‌ په‌یامبه‌ر. ئه‌گه‌ر خوا نیازی ئه‌وه‌ی هه‌بێت که‌س خراپه‌و زینا نه‌کات ئه‌وه‌ ده‌یتوانی به‌هه‌مان شێوه‌ی یوسف فریای هه‌موو که‌سێک بکه‌وێت..! که‌واته‌ مه‌به‌سته‌که‌ی موحه‌ممه‌د، که‌ کارێک بکات خه‌ڵکی خۆیان له‌ کرده‌ی زینا دوور بخه‌نه‌وه‌و ته‌نها پشت به‌ خۆشیان ببه‌ستن، به‌ هیچ چوو.


 

ڕێکه‌وتی بڵاوکردنه‌وه 2012-07-02 10:05:00
به‌شی ( مه‌ریوان هه‌ڵه‌بجه‌یی ) ئاماده‌کرد ( مه‌ریوان هه‌ڵه‌بجه‌یی: )



له‌, قورئاندا, به‌, دوورو, درێژی, چیرۆکێکی, ئه‌فسانه‌یی, ده‌رباره‌ی, په‌یامبه‌رێک, به‌ناوی, یوسف, باسکراوه‌و, به‌ده‌رنه‌بووه‌, له‌, سێکس, قامه‌ریوان, هه‌ڵه‌بجه‌ییمه‌ریوان, هه‌ڵه‌بجه‌یی, حیکایه‌تی, یوسف, و, سیناریۆی, سێکس Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا