سوخمه‌ی مه‌مک حه‌رامه‌ یان حه‌ڵاڵ



 ئه‌م بابه‌ته‌ جێی سه‌رنجه‌و نازانین پیبکه‌نین یان بۆی بگرین

  
 بابه‌ته‌که‌ حیجابه‌، حیجابێک، که‌ په‌ڕگیره‌کان دونیایان لێ هێناوه‌ته‌یه‌ک ئێمه‌ له‌و دیوه‌وه‌ لێی ده‌ڕوانین، په‌یوه‌ندی به‌ ئازادیی تاکه‌وه‌ هه‌یه‌.! له‌ کاتێکدا ئێمه‌ ڕۆژێک له‌ ڕۆژان ڕێگریمان له‌ خانمێک یان کیژێک نه‌کردووه‌ که‌ حیجابی پۆشیوه‌، که‌واته‌ له‌به‌ر هه‌مان هۆ هیچ که‌سێک حه‌قی ئه‌وه‌ی نییه‌ زۆر له‌ خانمێک یان کیژێک بکات که‌ حیجاب بپۆشێت. کاره‌که‌ ده‌چێته‌ ژێر ڕکێفی باوه‌ڕی تاکه‌وه‌، جا ئه‌گه‌ر ئه‌ڵڵا له‌ قورئانه‌که‌یدا ده‌قێکی هێنابێت که‌ ده‌ڵێت (لا إكراه في الدين، هیچ زۆرو ڕقێک له‌ دیندا نییه‌) ئیتر چۆن ده‌بێت زۆرو قین له‌ پۆشیندا هه‌بێت.؟
  
 ئه‌مه‌ ده‌مانبات بۆ بابه‌تێک که‌ په‌یوه‌سته‌ به‌ زۆرلیکردن و دووڕووییه‌وه‌ (دوانه‌یی، الازدواجیة) له‌ شێوه‌و شێوازدا. له‌ کاتێکدا خانمێک به‌ ناچاری و بێ ئه‌وه‌ی بڕوای پێ بێت سه‌ری خۆی به‌ په‌چه‌یه‌ک داده‌پۆشێت و وای لێ ده‌کرێت به‌ شێوه‌یه‌ک دوور بێت له‌ شوێنه‌ قه‌ره‌باڵغ و گازینۆکاندا به‌ڵام به‌ شێوه‌یه‌کی دی نزیک بێت له‌ شێوازێک که‌ خۆی تێیدا جێی نابێته‌وه‌ به‌ڵکو به‌زۆر به‌سه‌ریدا سه‌پاوه‌. بۆ ئه‌مه‌ش نموونه‌مان زۆره‌و ده‌توانین بڕوانینه‌ کۆماری ئیسلامی ئێرانی دراوسێ و چه‌ندانی تر. بابه‌تی داسه‌پاندنی جۆرێک له‌ پۆشین بابه‌تێکه‌ که‌لای په‌ڕگیره‌کان هه‌میشه‌ کراوه‌یه‌و کۆتایی نییه‌ چونکه‌ جێ ده‌ستی زاڵی ئه‌وان له‌ هه‌موو تاکه‌کانی کۆمه‌ڵگاکه‌دا نیشان ده‌دات.
  
 نامه‌یه‌کی ئه‌له‌کترۆنی سه‌رسوڕهێنه‌رم به‌ده‌ست گه‌یشتووه‌، ئه‌وه‌ باس ده‌کات بزوتنه‌وه‌ی گه‌نجانی (لاوانی) ئیسلامیی توندڕه‌و (حرکة الشباب الاسلامیة المتشددة) که‌ حوکمڕانیی به‌شێک له‌ سۆماڵ ده‌کات، ده‌سته‌ڵاتی له‌نێو شه‌قامه‌کانی مه‌قادیشۆ توندتر کردووه‌، له‌ دوای ئه‌وه‌ی ژنانی ناچار کرد حیجاب بپۆشن و سه‌ریان داپۆشن، هه‌ندێک له‌ خانمه‌کانی جه‌ڵد کردووه‌ (به‌ قامچی لیی داون) ده‌زانن بۆ.؟؟؟؟ چونکه‌ تاوانی ئه‌و خانمانه‌  ئه‌وه‌ بووه‌ که‌ سوخمه‌ی مه‌مکیان پۆشیوه‌و گه‌نجه‌ موسڵمانه‌کانیش دژی ئه‌م جۆره‌ پۆشینه‌ ژنانیه‌ ڕۆژئاواییه‌ن، له‌به‌ر ئه‌وه‌ی سه‌رنجی پیاوان به‌هه‌ڵه‌دا ده‌به‌ن و شێوازی حه‌قیقی ئافره‌ته‌که‌ش نیشان ناده‌ن، بۆیه‌ ئه‌وه‌شیان به‌سه‌ر خانمه‌کاندا سه‌پاند که‌ سوخمه‌کان فڕێ بده‌ن و واز له‌ مه‌مکیان بهێنن بله‌رێنه‌وه‌.! بۆیه‌ سوخمه‌ی مه‌مک، له‌ڕوانگه‌ی گه‌نجه‌کانه‌وه‌ ناکۆکه‌ له‌گه‌ڵ بنه‌ماکانی ئیسلام و پیاو به‌ره‌و هه‌ڵه‌و گومڕایی ده‌بات.
  
 حه‌لیمه‌ که‌ هاوڵاتیه‌کی سۆماڵییه‌، وتی: بزوتنه‌وه‌ی گه‌نجانی ئیسلامی به‌زۆر ناچاریان کردین که‌ به‌پێی بۆچوونی خۆیان حیجاب بپۆشین و ئێستاش به‌زۆر ناچارمان ده‌که‌ن که‌ مه‌مکه‌کانمان بله‌رێنینه‌وه‌.
 ئای له‌م ده‌ستکه‌وته‌ بایه‌خداره‌ که‌ دۆخ و ئاستی ئیسلام و موسڵمانان به‌رز ده‌کاته‌وه‌و شکۆمه‌ندی به‌ پێگه‌که‌ی ده‌به‌خشێت.!
  

ڕێکه‌وتی بڵاوکردنه‌وه 2012-06-08 15:56:00
به‌شی ( وتار/بابه‌ت ) ئاماده‌کرد ( ن: علي أحمد البغلي و: مه‌ریوان هه‌ڵه‌بجه‌یی )



بابه‌ته‌که‌, حیجابه‌, حیجابێک, که‌, په‌ڕگیره‌کان, دونیایان, لێ, هێناوه‌ته‌یه‌ک, ئێمه‌, له‌و, دیوه‌وه‌, لێی, ده‌ڕوانین, په‌یوه‌ندی, به‌, ئ, ن, علي, أحمد, البغلي, و, مه‌ریوان, هه‌ڵه‌بجه‌ییسوخمه‌ی, مه‌مک, حه‌رامه‌, یان, حه‌ڵاڵ Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا